Мектепалды даярлықтағы шебер қолдар жұмыстарының материалы

Түсінік хат

«Шебер қолдар» бағдарламаның жүктемесі аптасына 1 рет өткізіледі. Барлығы 32 сағат. Мектепке дейінгі кезең – жарқын әрі адам өміріндегі қайталанбас кезең. Дәл осы кезеңде балаларда тұрмыстық ортамен, адамдар әлемімен, табиғатпен, заттар әлемімен байланыс жүргізіледі. Білуге құмарлығы дамиды, шығармашылық қызығушылықтары пайда болады. Ең қызықты көркемдік-эстетикалық бағыттың бір түрі қағаздардан бұйымдар құрастыру. Қағазбен жұмыс істеу барысында маңызды білгіштер қасиеттер, сонымен қатар шығармашылық таланттарының іргетасы қаланады.

«Шебер қолдар» бағдарлама бөлімнің мазмұны балаларда қағазбен жұмыс жасау барысында басқа да іс-әрекеттің түрлерімен байланыс жасау арқылы шығармашылық қабілеттері дамиды деп болжайды.

Бағдарламаның бөлімдерін жүзеге асыру барысында мектепке дейінгі балаларда шығармашылық қабілеттерді дамытуға қажетті құралдарды таңдап алуға, жақсы нәтиже көрсетуге деген талпыныс, меңгерілген қабілеттерді еркін пайдалану, қағаздардан құрастыру арқылы түрлі бұйымдар жасау сияқты қабілеттер пайда болады. Табиғи материалдардан,қағаз және қатырма қағаз,моншақ,лента,жапырақтан,ермексаздан бұйымдар дайындау ұсынылады.

Мектепалды даярлық сыныптарға ұсынылып отырған бағдарламада оқушылардың көркем шығармасын дамытуға ұсынылады. Баланың танымы табиғат пен қоршаған ортаны түсінуі шығармашылықт іс-әрекет арқылы жетіледі. Сонымен бірге,әр түрлі еңбек түрлеріне жан-жақты мағлұмат алып,оларды іскерлікпен жасай білуге тәрбиелейді. Әр түрлі әдістерді қолдануға үйретеді. Жұмыс істеу барысында балалар өздерінің технологиялық,еңбек біліктілігін,адамгершілік қасиеттерін қалыптастыру,дүниетанымын дамыту жетістіктеріне қол жеткізеді. Бала еңбекке,іскерлікке баулу жұмыстарында баланың дербес ойлау,ізденіс,жобалау,есте сақтау,қиялышығармашылық қасиеттері дамиды.

Мақсаты:

Еңбек іс-әрекетінің психикалық алғы шартын қалыптастыру.

Нәтижеге деген қызығушылық және соған деген мақтаныш сезімін ояту, сапасының жақсы болуына талпындыру.

Технологиялық біліктілікті қалыптастыру арқылы қол икемдігін дамыту.Өз ойын жеткізуге,ақыл-ой,есте сақтау,тілін,шығармашылық қабілеттерін эстетикалық тәрбиемен ұштастыру.

Міндеті:

-Заттар әлемін құрастырудың ережелері мен технологиясы турулы білімдерін тереңдету;

-Технологиялық біліктілікті қалыптастыру арқылы қол икемділігін дамыту;

-Табиғат әлемі қолдан жасалған заттарға назар аударған жөн;

-Қауіпсіздік ережелерін сақтауға көңіл бөлу.

Тәрбиеленушілердің дайындығына қойылатын талаптар:

1.Қағаздан жыртып алу тәсілдері

2.Екі бүктелген қағаздан қиып алу

3.Элементтерді қиып алу тәсілдері

4.Үлгі бойынша қию

5.Үлкен бөлшектерді жапсыру

6.Ұсақ бөлшектерді жапсыру

7.Қазақ өрнегімен танысу

8.Геометриялық пішін элементтерін қолану

9.Өсімдік элементтерін қолдану

10.Жануар элементтерін қолдану

11.Декорациялық панно

12.Композициялар құру

13.Жұптық және симметриялық тәсілді қолдану

Бағдарламаны жүзеге асыру сатылары:

Үйірмеге балаларды түгелдей қамту;

Балалардың қызығушылығын арттыру;

Баланы еңбекке баулу.

Бағдарламаның құрылу ерекшеліктері: