Мектепалды даярлықтағы тіл ұстарту жұмыстарының материалы

Түсінік хат

Мектепалды даярлық тобына арналған «Тіл ұстарту» таңдау курсы. Көркем шығармалардың кейбіреуі балаға оқып беруге,кейбіреуін әңгімелеп беріп,мазмұнын айтуға,енді біреуін жаттауға болады.Ұсынылып отырған тақырыптар:Туған өлкем,Еліміздің рәміздері,Біздің мектеп,жұмбақ,жаңылпаштар,сурет бойынша құрастыру,халық батырлары т.б тақырыптар бар.Баланың қоршаған орта табиғат туралы түсініктерін қалыптастыратын,әңгіме,ертегі,өлең шұмақтары баланың жас ерекшелігіне сәйкес іріктеледі.Баланың тілін дамыту күн тәртібін барлық іс-әрекетінде жүзеге асырылады. Ұсынылған шығарманың тәрбиелік негізін жүзеге асыруды, елін, жерін сүюге, өз елін мақтаныш ететін, келешек қоғам қайраткерлері бүгінгі мектепалды даярлығындағы балалар екендігін сақтаған жөн. «Мектеп» тақырыбында бүгінгі даярлық топтағы балалар ертеңгі мектеп оқушылары екені ескеріліп, мектеп жайлы, білімнің алғашқы кілті әліппе, білім күні, оқу құралдарымен таныстыру үшін, баланы мектептегі оқуға қызықтыру мақсатта берілген швғармаларды оқып түсіндіріп, әңгімелеп, жаттатып, ойын-жаттығулар орындатылады. Балалар сөйлеп отырған адамды тыңдау, өзіне қойылған сұраққа түсініп, ойланып жауап беруі керек. Мазмұнды суреттер бойынша әңгімелер құрап айт

Курстың мақсаты:

-Баланың қиялын дамыта отырып, тіл байлығын дамыту.

-Балаларға арналған мультфильм, кинофильмді пайдаланып, ертегі мазмұның қайта жаңғыртып сұрақ-жауап әдіс-тәсілдерін қолданып, қысқаша әңгіме құрастыру арқылы баланың тілін ұстарту, дамыту.

Курстың міндеттері:

-Қоршаған ортада көргендерін өздігінен әңгімелеп, өмірімен байланыстыру.

-Балаларға сұрақ қоя отырып, әңгіменің мазмұның түсінуге көмектесу.

-Заттардың аттарына, қасиеттеріне, белгісіне қарай ажырату.

-Жаңадан меңгерген сөзлерді белсенді сөздік қорына енгізу.

Тәрбиеленушілердің дайындығына қойылатын талаптар.

-Жаңылтпашты жатқа айту

-Жыл мезгілдерін бір-бірінен ажырата білу

-Мақал-мәтелдерді айта біду

-Ауыл мен қаланың айырмашылығын ажырата білу

-Мамандықтарды бір-бірінен ажырата білу

-Тақпақты жатқа айту

-Сурет бойынша әңгіме құрай білу.

Бағдарламаның құрылу ерекшеліктері:

Бала білімін тексерудің өз – өзін бақылауға, қорытынды бақылауға негізделуі;

Бағдарлама мазмұнына ұлттық салт – дәстүр, туған жер, Отан, рәміздер енгізілуі;

Бағдарлама мазмұнына енген тақырыптарға оқушылардың сөздік қорын байытуға, байланыстырып сөйлей білу қабілеттерін жетілдіру.

Жыл соңында тәрбиеленуші білуі қажет

Балалардың тіл байлығы, ой – өрісі, сөзді байланыстырып сөйлеу қабілетін қалыптастырады.

Балалар өз ойларын еркін жеткізеді.

Пәнаралық кіріктіру

«Тіл ұстарту» таңдау курсы тіл дамыту және көркем әдебиет ұйымдастырылған оқу іс-әрекетімен тығыз байланысты.