Мектепке дейінгі балаларға Ә таңбасын үйрету жоспары

[ә] дыбысы және Әә әрпі, әріп таңбасын жазу.

САУАТ АШУ НЕГІЗДЕРІ

ҰЙЫМДАСТЫРЫЛҒАН ІС-ӘРЕКЕТТІҢ МАҚСАТЫБалаларды [ә] дыбысы және Ә ә әрпімен таныстыру. «Ә» әрпін ауада жазып көрсету. Артикуляция бойынша дыбыстарды дұрыс айтуды үйрету. Сөздің құрамындағы дыбыстардың жуан, жіңішке, дауысты, дауыссыз болып бөлінетінін ұғындыру. "Ә" дыбысы бар сөзді, сөйлемді ойлатқызып, оны ойын жаттығулар арқылы бекіту. Балаларды адамгершілікке тәрбиелеу.СӨЗДІК ЖҰМЫСӘтеш, әткеншек, әже, әшекей сөздерін пайдалану. ӘДІС-ТӘСІЛДЕРҒажайып сәт, түсіндіру, артикуляциялық жаттығу, көрсету, дыбыстық талдау, буынға бөлу, дәптермен жұмыс, дидактикалық ойын.ҚҰРАЛ-ЖАБДЫҚТАР1. Көрнекілік материалдар.Мультимедиялық тақта (мультимедиялық тақта болмаған жағдайда, теледидар немесе мүмкіндігінше әрбір баланың алдына ноутбук (планшет) қолдануға болады), [ә] дыбысына байланысты плакат, суреттер, кеспе әріптер, текшелер, әріп таңбасы.2. Үлестірмелі материалдар.Жазу парақтары, қалам, қарындаштар, тақтайша, резеңкелер. ҰЙЫМДАСТЫРЫЛҒАН ІС-ӘРЕКЕТТІҢ БАРЫСЫ1. КІРІСПЕ БӨЛІМ1.1. Шаттық шеңбері.Көтеріңкі көңілменен Шаттанайық бәрімізКөңілді етіп сабақты даӨткізейік, қане, біз!Барлығы шеңбер құрып тұрады. Бірге айтады.1.2. Әлди- әлди, әлдиім,Әлдендірген әлдиімӘлпештеумен әлдиді Әсерленді әр күнім

Артикуляциялық жаттығу: «Әткеншек».Мақсаты: тілдің қалпын тез өзгерте білу дағдысын қалыптастыру.2.2. «Кел, оқиық!» Педагог [ә] дыбысының артикуляциялық жаттығуын жасатып болғаннан кейін Ә ә әрпінен құралған буындарды оқытады. 2.3. Дыбыстық талдау. Педагог жұмбақ жасырады. Ертегі айтып береді,Сені жақсы көреді,Мейірімді бұл кісі,Қандай ғажап күлкісі.- Жауабы қандай?- Әже. - «Әже» сөзінде бірінші қай дыбыс естіледі?- Ә - ә - ә - ә.- Қалай айтылып тұр?- Ә ә - жіңішке дауысты дыбыс.- Келесі жұмбақты шешіп көрейік. Орақ, құйрық, тарақ бас,Көп ұйқыны жаратпас.- Жауабы не?- Иә, әтеш. - "Әтеш" сөзіне дыбыстық талдау жасайық. - Ә-теш, 2 буын, 4 дыбыс пен 4 әріп. - [ә] дыбысы сөздің қай жерінде орналасқан?- Иә, сөздің бірінші дыбысы. - Балалар, мына керемет бұйымға қараңдаршы! Бұл қандай бұйым? Кім біледі?- "Әшекей" сөзіне дыбыстық талдау жасайық. - Ә-ше-кей, 3 буын, 6 дыбыс пен 6 әріп. - [ә] дыбысы сөздің қай жерінде орналасқан?- Иә, сөздің бірінші дыбысы. - "Әткеншек" сөзіне дыбыстық талдау жасайықшы. - Әт-кен-шек, 3 буын, 8 дыбыс пен 8 әріп. - [ә] дыбысы сөздің…