Мектепке дейінгі ұйымдағы инновациялық әдістемелік жұмыс

Мектепке дейінгі ұйымдағы әдістемелік жұмысты ұйымдастырудың инновациялық бағыты

ҚР мемлекеттік жалпыға міндетті мектепке дейінгі тәрбие мен оқыту стандартында мектепке дейінгі ұйымдарда зияткерлік, тұлғалық, әлеуметтік және эмоционалдық дамуымен тұлға қалыптастыру басты міндет болып берілуде. Жалпы мектепке дейінгі ұйымда тәрбиелеу мен оқыту процесінде педагогикалық білімі бар тәрбиешілер қатысады,десек те осы педагогтарға бағыт беріп,жаңашыл әдістерді таныстырып,білім сапасын арттыруда әдіскердің алатын орны зор.

Әрбір ұжым, тіпті әр педагог педагогикалық процесте инновациялық яғни жаңашыл идея беруге құқылы. Ал, әдіскер жаңа идеяларды іздестіріп, жүзеге асыратын бірден-бір құзыретті тұлға.

Республикамызда білім беруді дамыту қазіргі кезде оқытудың дәстүрлі түрінен инновациялық үрдістерге ауысатын өтпелі кезеңінде және «инновация» ұғымы соңғы жылдардың ішінде білім беру мекемелерінің жаңалықтарды жасауы, меңгеруі, қолдануы және таратуға байланысты бір бхөлек қызметі тұрғысынан түсіндіріледі.

Қазақстанның бүгінгі білім беру жүйесінде жаңа инновациялық бағытты игерген, нақты тәжірибелік іс-әрекетте өзіндік даңғыл жол салуға икемді, шығармашыл, зерттеуші педагогтар аса қажет. Осы сипаттағы педагогтың ең алдымен инновация туралы түсінігі болуы қажет.

Қазіргі педагогикада инновация –білім беру, тәрбиелеу жұмысына жаңалықты енгізу, яғни жаңа әдіс-тәсілдерді амалдарды, құралдарды, жаңа тұжырымдарды жасап, оларды қолдану ретінде анықталады.

«Инновация» термині ағылшын тілінің «innovation» сөзінен шыққан , аударғанда «жаңалық, жаңашылдықты енгізу» деген мағынада қолданады: инновация құрал мен процесс ретінде қандай да бір жаңалық ендіру жұмыстарын көздейді.

Жаңалық бұл дәл құрал (жаңа әдіс-тәсіл, әдістеме, технология, оқу бағдарламасы), ал инновация осы құралдарды меңгеру үрдісі.

Инновацияны жете түсініп, инновациялық әдіс-тәсілдерді балабақша өміріне кеңінен енгізу жеткіншек ұрпақтың саналы да, сапалы білім алуының бірден-бір шарты болып табылады.

Инновацияны ұйымдастыру барысында алға қойылған міндерттердің жүйелі және бірізді болуы маңызды. Оң нәтиже алу үшінкелесі шарттарды ұстанған жөн.

Біріншісі-инновацияны енгізуге деген мотивациялық жағдай, яғни жаңа іс-әрекетті қабылдауға, әрі қарай меңгеруге деген себеп-салдардың туындауы. Жаңашылдықтың негізгі кілті инновацияның педагогтың қызығушылығымен үйлесімділігі болып табылады. Ең алдымен «иновация қажет пе?» деген пікір арқылы нақты ұсыныс қабылдауға болады. Инновациялық іс-әрекет жоспарын қарастыра отырып, әр педагог нақты мәселені шешу, оның жалпы нәтижесі үшін жауапкершлікті сезінуі тиіс.

Екінші-инновациялық іс-әрекетке дайындық-бұл құзыреттілікті қалыптастыру деген сөз. Осы құзыреттілік ақпаратты қабылдау, жеткізу және оны шынайы бағалаудан тұрады.

Әдіскердің әдістемелік жұмысының сипаты

Әдістемелік жұмыстың мақсаты ұтымды әдіс-тәсілдерді игеру, балаларды тәрбиелеу, оқыту мен дамыту, білім беру үрдісін ұйымдастыруда педагогтардың әдістемелік дайындығын көтеру, тәжірибе алмасу, педгогикалық озық тәжірибені насихаттау.

Қазіргі таңда мектепке дейінгі ұйымдарда білім беру үрдісін нәтижелі ұйымдастыру басты міндеттердің бір, ал жалпы педагогикалық қызмет әдістемелік жұмыспен тікелей байланысты.

Әдістемелік жұмыстың өз алдына нақтыланған формалары, әдіс-тәсілдері бар.

Әдістемелік жұмыстың формаларына тоқталар болсақ, ол жүйелі және эпизодтық, топтық және жеке деп жітеледі.

Барлық әдістемелік жұмыс формасы педагог қызметкерлердің кәсіби дайындық деңгейін, теориялық білімін, тәжірибесін, еңбек тілін, санатын ескере отырып ұйымдастырылады.

Біздің алдымыздағы мәселе балабақшадағы дәстүрлі әдістемелік жұмысты инноваиялық бағытта жаңарту, педагог мамандардың, тәрибешілердің педагогикалық кәсіби құзыреттілігін жетілдіру.

Әдістемелік жұмыстың топтық формалары

және т.б. қарастыруға болады.

Әдістемелік жұмыстың бағыттары бір-бірімен тығыз байланысты және педагогтардың теориялық деңгейін, біліктілігін, кәсіби шеберлігін арттыруға ықпал етеді.

Педагогикалық процесс тәрбиешінің келесі бағыттаушы рөлін қарастырады:

1.Ғылым мен практиканың сабақтастығы.

2.Педагогикалық процесті болжау, жобалау және құруды.

3.Педагогикалық қызмет нәтижесінің обьективті диагностикасын жүзеге асыруды көздейді.

Әдістемелік жұмысты ұйымдастырудың инновациялық бағыты.

Жалпы мектепке дейінгі ұйымда педагогикалық білімі бар педагогтар жұмыс жасайтыны баршаға мәлім, бірақ осы мамандарға жаңашыл әдістерді таныстырумен қатар, оны тәрбие мен білім беруде сапалы қолдануды талап етіп, қадағалау осы жұмыстың нағыз шебері әрине әдіскер болуы керек.

Әдіскер алдына лауазымдық міндет алып танысқаннан кейін, жұмыс бастамасының алғашқы күндерінен бастап алдына нақты жоспар құра білуі керек. Өз тәжірибемде әдістемелік жұмысты ұйымдастырудың қыр-сырын, әдіс-тәсілдерін түсініп, бағытын алға қою болды. Бұл бағыттың жолы тек ізденіс пен шығармашылықты және тынымсыз еңбекті талап етеді.

Балабақшадағы әдістемелік жұмыстар кімдермен жүзеге асады десек, олар педагогтар, тәрбиешілер, балалар және ата-аналар.