Мектепке дейінгі ұйымдағы әдістемелік қызмет туралы мақала

Мектепке дейінгі ұйымдағы әдістемелік қызмет

Л.Ж.Боржикова, Зайсан қала әкімі аппаратының «Зайсан қаласындағы «Еңлік» бөбекжай-бақшасы КМҚК» әдіскері.

Мектеп жасына дейінгі балаларды тәрбиелеу мен оқыту мәселесі ұлттық дамудың стратегиясымен тығыз байланыста және мемлекеттік саясаттың ажырамас бөлігі болып табылады.

Қоғамда болып жатқан өзгерістер жаңа ғасырдың білімді, саналы жастарын тәрбиелеуші педагогтарға үлкен міндет жүктейтіні сөзсіз. Жас ұрпақтың жаңаша ойлауына, олардың біртұтас дүниетанымының қалыптасуына, әлемдік сапа деңгейіндегі білім, білік, дағдыларды меңгеруіне ықпал ететін жаңаша білім беру мазмұнын құру – жалпы білім беру жүйесіндегі өзекті мәселенің бірі.

Қазіргі уақытта білім мазмұнын, соның ішінде мектепке дейінгі тәрбие мен оқытудың жаңа мазмұнын өзгермелі әлеуметтік жағдайларға сәйкестендіруге байланысты мектепке дейінгі ұйымдарда білім беру сапасын көтеру мақсатында оны жетілдіру жұмысы жүргізілуде. Осы бағытта әдістемелік жұмыстың рөлін және маңыздылығын арттыру өзекті мәселеге айналып отыр.

Мектепке дейінгі ұйымдағы әдістемелік жұмыс – әр педагогтың кәсіби шеберлігін арттыруға, ұжымның шығармашылық әлеуетін жалпылауға және дамытуға, балаларды тәрбиелеу мен оқытуда тиімді нәтижелерге қол жеткізуге бағытталған, ғылым жетістіктеріне, озат тәжірибеге және педагогтардың жұмысын талдауға негізделген біртұтас іс-шаралар жүйесі.

Қазіргі кезде мектепке дейінгі ұйымдардағы әдістемелік құрылымдардың қызметі педагог тұлғасына, білім беру қызметінде тиімді нәтижелерге жетуге қажетті оның шығармашылығын, мектепке дейінгі балаларды білікті дамытуға бағытталуы тиіс.

Тәрбиеленушілерге білім беруді, тәрбиелеу мен дамытуды жетілдірудің заманауи реалийлері, объективтік сұраныстары мектепке дейінгі ұйымдағы (бұдан әрі - МДҰ) әдістемелік жұмыстың (бұдан әрі - ӘЖ) рөлі мен маңызының жедел артуы қажеттілігін негіздейді, осы жұмысқа ғылыми талдау жасайды және оны өзекті мәселемен іс-тәжірибелік жетілдіруді жүзеге асырады.

Мақсаты: педагог пен педагогикалық ұжымның кәсіби шеберлігі деңгейін үнемі жетілдіру.

ӘЖ-тың басты әрі маңызды міндеті – заманауи педагогқа қажетті кәсіби білімдердің, дағдылар мен машықтардың, оның тұлғасының қасиеттері мен сапаларының қосындысы ретінде педагогтар мен тәрбиешілердің шеберлігін арттыруға шынайы көмек көрсету.

Сөзсіз, МДҰ-ның бәсекеге қабілеттілігі, әлеуметтік тапсырыс, инновацияларды игеру мен енгізу біздің өміріміздің ақиқатына айналды. Бұл уақыт талабы ғана емес, сонымен қатар мектепке дейінгі білім беруді жаңарту мен дамытудың өмірлік қажеттілігі. Заманауи педагог нақты жағдайда педагогикалық үдерісті ұйымдастырудың заманауи технологияларына ие кәсіптік міндеттерді шешуге мүмкіндік беретін бірқатар қасиеттерді меңгеруі тиіс. Басқа сөзбен айтсақ, бізге кәсіпқой педагог қажет.

Кәсіпқойлық формуласын шығаруға бола ма? Болады, бұл мектепке дейінгі педагогика теориясын жақсы білу немесе баланың жай-күйін түсіну және сезіну, немесе өзінің педагогикалық қызметін жүзеге асыру барысында онымен сауатты әрекеттестікке түсу машығы немесе тағы басқа нәрсе болуы мүмкін? Формулаларды құрастырумен ғылым айналысады, алайда, біз практиктер өзімізге мынадай сауалдарды жиі қоя бастадық: «Кәсіби біліктілікті қалай арттыруға болады?» МДҰ-да инновацияларды енгізу үшін не қажет? ӘЖ жетілдіру мен педагогтардың кәсіпқойлығын арттыру үшін қандай стратегия оңтайлы?».

ӘЖ-қа жаңа өмір «сыйлау» қажеттілігі туындағаны белгілі. Сауатты ұйымдастырылған жұмыс тәрбиешінің, кәсіпқой педагогтың кәсіби біліктілігін арттыруға толыққанды жағдай жасауды қамтамасыз етуге мүмкіндік береді.

МДҰ-ның әдістемелік қызметінің алдында бүгінде көптеген міндеттер тұр, алайда басты міндеті шығармашылық жағдай жасау, педагогикалық қызметке деген жаңашыл көзқарасты қалыптастыру және педагогтың міндетін түсіну болып белгіленді.

Біліктілікті арттыру бойынша сапалы жұмыстың міндетті шарты әріптестермен кері байланыс, яғни олардың білімге деген сұраныстары туралы ақпарат алу деп санаймын, ол үшін әңгімелесулерді, сауалнамаларды, сауалнама парақтарын қолданамын. ӘЖ бағыттарының бірі педагогтар қызметін объективті бағалауға бағытталған мониторинг жүргізу болды. Осыған байланысты педагог кадрлар құрамын талдау қажеттілігі туындады, себебі толыққанды зерттеусіз педагогтардың кәсіптік деңгейін анықтау қиынға соғады. Мұндай талдау бірнеше санаттар бойынша әрбір білім беру ұйымында жүргізіледі: педагогтардың жасы, педагогикалық жұмыс өтілі, біліктілігі, санаты. Жылдық жоспар құрастырғанда мұқият сапалы талдау жасаймыз. Оқу жылының басындағы соңғы деректер барлық қарастырылатын санаттар бойынша педагогтарды маңызды саралауды көрсетті. Талдау мынадай тұжырым жасауға мүмкіндік берді: МДҰ-да бірдей жағдайда

жоғары білімді педагогтар;

сырттай педагогикалық білім алып жатқан педагогтар;

25 жылдық өтілі бар педагогтар;

жаңадан келген тәрбиешілер;

жоғары санатты және санатсыз педагогтар жұмыс істейді.

Әдістемелік жұмысты ұйымдастыру

Мақсаты: педагогтардың кәсіби біліктілігін арттыру; озық педагогикалық тәжірибені зерттеу, тарату; педагогтардың процессуалдық қызметінің нәтижелігін арттыру; педагогтарға әсерлі көмек көрсету

Педагогикалық үдеріс мониторингі

Шығармашылық топ

Педагогикалық актив

Белсенді оқыту әдістері

Консультациялар; теоретикалық және практикалық семинарлар; Ашық сабақтар; Бақылау-бағалау сабақтары; Педагогикалық кеңестерге, ӘБ дайындық және қатысу; ОПТ зерттеу, жалпылау, тарату; Ашық есік күндері; Аттестаттау; Әдістемелік апталықтар.