Мектептегі оқу тәжірибесі болашақ психологқа арналған мақала

Әл-Фараби атындағы ҚазҰУ

Нұрғыдыр Мақпал

4 курс студенті

Ғылыми жетекші: Тоқсанбаева Н.Қ. – психология ғ.д., профессор

Тәжірибе жетекшісі: Адилова Э.Т – PhD, доцент м.а

«Мектептегі оқу тәжірибесінен алынған қорытынды: Болашақ психолог үшін жаңа қадам»

Психология саласында жұмыс істеу, әсіресе балалар мен жасөспірімдермен, өзіндік қиындықтар мен ерекше жауапкершілікті талап етеді. Мен үшін мектептегі оқу тәжірибесінен өткен кезең — жаңа білім мен дағдыларды меңгерген және болашақ кәсіби жолымда алатын тәжірибемнің алғашқы қадамы болды. Бұл тәжірибе психологияның маңыздылығын тереңірек түсініп, менің мамандыққа деген қызығушылығымды одан әрі арттырды.

Психология пәні әрбір оқушының рухани, эмоционалды және әлеуметтік дамуына ықпал ететін маңызды сала болып табылады. Мектеп психологиясы — бұл тек оқушылардың оқу үлгерімін ғана емес, олардың тұлғалық ерекшеліктері мен психоэмоционалды жағдайын да зерттейтін пән. Оқушылардың әлеуметтік дағдыларын дамыту, олардың ішкі күйін түсіну және оларға психологиялық қолдау көрсету мектеп психологының міндеттеріне кіреді. Тәжірибе барысында мен осы қызметтердің қаншалықты маңызды екенін өз көзіммен көрдім.

Мектептегі психология тәжірибесінің басты бағыттарының бірі — психологиялық диагностика жүргізу мен оқушыларға кеңес беру болды. Мен бірнеше психологиялық тесттер мен сауалнамаларды қолдана отырып, оқушылардың мінез-құлқындағы ерекшеліктерін, эмоционалдық күйін, әлеуметтік қарым-қатынас деңгейін бағаладым. Әрбір оқушының тұлғалық ерекшеліктерін анықтап, олардың психологиялық қажеттіліктерін түсінуге тырыстым.

Қиын жағдайда қалған оқушылармен жеке жұмыс жүргізу барысында, олардың ішкі дүниесіне терең үңіліп, әр түрлі әдістер мен кеңестер арқылы олардың өміріндегі қиындықтарды жеңуге көмек көрсетуге тырыстым. Бұл кезең маған адам жанының тереңдігін түсінуге және әртүрлі жастағы балаларға психологиялық көмек көрсетудің ерекшеліктерін білуге мүмкіндік берді.

Мектепте балалардың өзара қарым-қатынасы, топтық жұмыс жүргізу, әлеуметтік дағдыларды қалыптастыру ерекше маңызды. Бұл бағыттағы жұмысым топтық тренингтер мен ойындар өткізумен өтті. Оқушылардың арасындағы қарым-қатынасты жақсарту мақсатында әрүрлі ойындар мен тренингтік жұмыстар ұйымдастырдым. Бұл іс-шаралар оқушылардың бір-бірімен ынтымақтастықта жұмыс істей алу қабілеттерін арттырды, олардың коммуникативті дағдыларын дамытты.

Психолог ретінде мен үшін оқушылар мен олардың ата-аналары арасындағы байланыс маңызды болды. Ата-аналармен бірге жұмыс жасау, олардың балаларымен қарым-қатынастарын түсініп, кейде өзара…