Мектептегі қашықтан оқыту жұмысын ұйымдастыру мақаласы

Заман талабы – қашықтықтан оқыту

Қашықтықтан оқыту көп жылдан бері оқу орындарында дәстүрлі түрде өз орнын тауып келген оқытудың бір түрі екендігі бәрімізге мәлім. Дегенмен, қазіргі таңда әлемде болып жатқан індеттің таралуына байланысты бұл оқыту түрінің маңыздылығы арта түсті. Себебі еліміздегі мектептер Covid-19-дың таралу қаупіне байланысты өз жұмыстарын тоқтатып, оқушыларды қашықтықтан оқытуға кірісті. Ал қашықтықтан оқыту босаңсуға жол бермейді, өйткені қазіргі заманғы технологиялар оқу үрдісінің барлық кезеңдерін қашықтық форматқа көшіруге толығымен мүмкіндік береді. Яғни, қашықтықтан оқыту карантин жағдайында оқу үрдісін жалғастыруға мүмкіншілік туғызып отыр.

Бүгінгі күні әдеттегі дайындыққа қоса мұғалімдер өз цифрлық құзіреттілігін күшейту бойынша жұмыс жасауы қажет. Қашықтық тәртіпте жұмыс жасауда мұғалімдердің жүйелік тәжірибесі жоқ екенін ескеретін болсақ, әрине, бұл оңай шаруа емес, және бұндай жұмыс бұрын талап етілмеген. Десек те, сабақ барысында мұғалімдер цифрлық білім беру ресурстарымен, электронды оқулықтармен, электронды журнал жүйелерімен бұған дейін де жұмыс жасайтын. Бұның өзі цифлық жүйеде жұмыс жасаудың қандай да бір тәжірибесі екені анық.

Орал қаласының №19 мектебіде осы тәртіппен жұмыстануда. Қазіргі таңда мектеп әкімшілігі, әдістемелік бірлестік жетекшілері, ұстаздар өздері қашықтықтан оқытуға ауысу бағытында белсенді жұмыс атқаруда. Ең маңыздысы - осы мәселені дұрыс түсіну. Қашықтық сабақ – әдеттегідей қырық минут көлеміндегі сабақ емес. Қашықтық сабақтың әдіс-тәсілдері, қағидалары да басқа.Сабақты жоспарлауда, оқушыларға жіберу үшін «Күнделік» сайтына тапсырмалар алдын ала әзірленіп ,папкалар жасақталды.Сонымен қатар оқушылар ТВ сабақтарын Ұлттық телеарнадан қарап,мұғалімдерімен талдап отырды.

ZOOM платформасымен әкімшілік, және ұжым мүшелері қызу жұмыстанып, түрлі кеңестер,отырыстар,ата-аналар жиналыстарын,сынып сағаттарын тиімді жүргізді.Сондай-ақ әр пән және әр сынып бойынша, оқушыларға жіберу үшін «Күнделік» сайтына тапсырмалар алдын ала әзірленіп ,папка жасақталып,оқушылар үшін жұмыс парақтарынының әзірленді,сабақ,қоңырау кестелері жарияланды.

Мектеп ұжымының қашықтан оқытуда қолданып жатырған ақпараттық құралдары мен ғылымға негізделген әдіс-тәсілдер арқылы білім алу формасына тоқталсам,қолданып жатырған платформалардың (Bilimland, Whatsapp Facebook,live, Instagram. Live, Telegram ,EDU NEWS, Birge ogy ) нәтижесінде мұғалім өз тәжірибесін жақсартса,оқушы материалды толық меңгеріп,сапалы кері байланысқа шықты.