Мектепті бөлме өсімдіктерімен көгалдандыру туралы мақала

Каумбаева Фиягуль Кубиновна

БҚО, Орал қаласы,

Облыстық экологиялық-биологиялық

орталығы, педагог – зерттеуші,

«Гүл шеберханасы» үйірмесінің жетекшісі

Мектеп ішін көгалдандыруда бөлме өсімдіктерін қолдану

Мектеп кабинетіне бөлме өсімдіктерін таңдаймыз

Мектеп кабинетінде кабинет әдемі, ал балалар мен мұғалімдерге жайлы болу үшін жағдай жасау - орындауға болатын міндет. Ата – аналар мен оқушылар өздерінің сыныптары үшін бөлме өсімдігін таңдауға ұмтылады, «өздерінің» өсірген өсімдіктерін каникулдан кейін көргенде, олардың көңіл – күйіне қамқорлық жасайды, қуанады.

«Әдемі өсімдік, осындай өсімдік өсіргім келеді». Өсімдікті сатып аларда көбінесе гүлдің сыртқы келбеті басты мотив болады. Өсімдіктер әлемінің нақты өкілінің ерекшелігі, күтімі, бірегейлігі туралы кейін біліп жатамыз.

Бірақ мектепке өсімдік таңдауда өсімдіктің әдемі келбетін ғана басшылыққа алуға болмайды.

Сатып алар алдында сол бөлме өсімдігі туралы мәліметтермен танысу керек. Өсімдікті таңдауда оның маңызды қасиеттерін ескеру керек.

Бөлме өсімдігінің балалар үшін қауіпсіздігі. Өсімдіктің улы емес, аллергиялық реакциясы жоқ екендігіне сенімді болу керек. Өсімдіктің күтімінің қарапайымдылығы.

Мектепте бөлме өсімдіктеріне күтім жасауды балаларға үйретеміз. Және педагогтің жетекшілігімен балалар өсімдіктерді қуана суарады, оларды сүртеді, қураған жапырақтарын жинайды. Бірақ қыңыр және ерекше күтімді қажет ететін өсімдіктер өздеріне қолайлы күтімді ала алмайтынын ескермеуге болмайды.

Бөлме өсімдіктері мектеп іші атмосферасына «сауықтырушы» әсер береді

Оқу кабинеті – күн сайын балалар тобымен толықтырылып отыратын орын. Және бір күн ішінде бірнеше топпен ауыстырылып отырады. Сондықтан мектепте атмосфераға жағымды әсер ететін өсімдіктерді өсірген пайдалы болады. Оқу кабинеттерінде келесідей әсерлері бар өсімдіктерді өсірген тиімді:

электромагниттік толқындар сәулесін төмендету,

ылғалдылық деңгейін арттыру;

ауаны пластиктен бөлінетін зиянды заттардан тазарту;

қоршаған ортаны бактериалардан тазарту.

Өсімдіктерді өсіру жағдайлары

Нақты кабинетке бөлме өсімдігін сатып алар кезде бөлменің терезесі қай жаққа қарайтындығын, бөлмедегі жарық, жақын маңдағы ағашты – бұталы өсімдіктер немесе үйлер көлеңкелеп тұрмағандығын білген жөн. Өсімдікті қай жерге орналастыратындығыңызды ойластырыңыз. Санитарлық талаптар мен нормаларға сәйкес терезе алдына табиғи жарықтың түсуіне кедергі келтіретін ештеңе қоюға болмайтындығын ескеріңіз. Яғни, терезенің алдына тек қана аласа бойлы өсімдіктерді орналастыруға болады. Қалған өсімдіктерге үстел, ілетін кашпо, сөре және тағы басқаларды дайындаған дұрыс.

Кабинетке өсімдік таңдаймыз

Мектепте қандай бөлме өсімдіктерін өсіруге болатындығын ойластырған кезде өсімдіктердің келесі топтарынан таңдаңыз.

Декоративті - жапырақты