Мемлекеттік рәміздер тәрбие сағаты 5 сынып

Сабақтың тақырыбы: Мемлекеттік рәміздер- ұлттық мақтаныш

Сабақтың мақсаты:

-Қоғамның рухани бірлігі мен сабақтастығын нығайту,балалар мен жасөспірімдер арасында жоғары азаматтық және елжандылық сезімін қалыптастыру

- Оқушыларды еліміздің қысқаша тарихымен, мемлекетік рәміздерімен таныстыру.

-Патриоттық тәрбие беру, өз елін, Отанын сүюге, туған жерге деген сүйіспеншілігін арттыру.

-Мемлекеттік рәміздерді құрметтеп, қастерлеу, тәуелсіздігіміздің тұғырын биік ұстауға үлес қосуға атсалысуымыз керектігін түсіндіру.

Сабақтың әдісі: баяндау, шолу жасау, әңгімелеу, сұрақ жауап.

Сабақтың көрнекілігі:Рәміздер, суреттер, мақал- мәтелдер, Отан, жер туралы нақыл сөздер.

Сабақтың барысы: Кіріспе бөлім

- Біздер тәуелсіз қазақ елінің ең жас ұландарымыз. Сондықтан өз жерімізді, өз елімізді, әкелер мен аталарымыз сияқты қадірлеуге, сүюге, қорғауға тиіс елімізді естен шығармайық. Отан- жерім, Отан- суым Отан қуат, нәр береді. Отан- ұран, Отан- туым, Отан мәңгі гулденеді- демекші, Тәуелсіздігіміз тұғырлы болып, еліміздің символы- мемлекеттік рәміздерді қастерлеп, құрметтеу бәріміздің міндетті парызымыз болып саналады. Төтркүл дүниені дүр сілкіндірген әйгілі Желтоқсанда көзі ашық, көкірегі ояу әрбір саналы азаматтың, астана алаңына “тек басшы үшін ғана емес, халық сенімін ақтай алмаған партиялық- диктатуралық жүйеге ’’ қарсы шыққаннын уақыт өзі дәлелдеп берді.

Міне, содан бері тарихта теңдесі жоқ тәуелсіздік алған күн де өткен уақыттың үлесінде қалып барады. Қазақстан Респуликасы Президентінің “ Мемлекеттік тәуелсіздігі туралы” Жарлығы жарияланысымен- ақ дүние жүзінің құлағы елең етіп, егемендігін алған ерікті Қазақстанды мойындай бастады. Бұл күнде Қазақстан әлемнің өзге өркениетті елдері сияқты жаңа ғасыр табалдырығын тең атап отыр.

Негізгі бөлім: Отан- сенің ата анаң Отан- досың, бауырың Отан- өлкең, астанаң, Отан- аудан, ауылың Отан- тарих, Отан тіл, Жасаған елің, ер халқың Отан- өлең, Отан жыр, Көтерген көкке ел даңқын Отан осы достарым Көңілге мұны түйе біл “Отан” деп өс, жас қауым Оны ардақтап сүйе біл! Қайран елім қара нарым өзіңсің Тарих жүгін арқалаған өзіңсің Тәуесіздік тұғырынан бүгінде Шұғыла шашып қарап тұран көзімсің Демеймін мен бұрынғыдай шерлімін Еркін жұртпын байқалмайды кемдігім Шайқалмасын іргең мәңгі, Отаным! Жаса, жаса азаттығым теңдігім ! Тәуелсіздік! Берекенің біл басы Дәулетің мен сәулетіңнің тұнбасы Қазақстан сен бір елсің жаһанға Кең танылған туыңдай асқақ тұлғасы Тәуелсіздік! Қиян емес қиялдай Ол осынау жақын жылы ұяңдай Дәнекері, дермияны достықтың Атай алам атын есте ұялмай - Туған жер туралы қандай мақал- мәтел білесіңдер?

- Жері бардың- елі бай - Жер жаусыз балмайды - Халық хансыз болмайды - Отан- оттан да ыстық... - Біздің ана тіліміз қай тіл?1990 жылы шілденің бірінде «Тіл туралы заң күшіне енді.Егемен ел болу үшін Қазақстан республикасының қандай Ұлттық белгілері болу керек? 1.Елтаңба 2.Әнұран 3.Мемлекеттік шекара 4.Әскер 5.Ту 6.Мемлекеттік тіл 7.Мемлекеттік заң 8.Мемлекеттік валюта

Қазақстан Республикасы

Қазақстан Республикасы – президенттік басқару нысанындағы біртұтас мемлекет. Конституцияға сәйкес, біздің ел өзін адам және оның өмірі, құқықтары мен бостандығы ең қымбат қазынасы саналатын демократиялық, зайырлы, құқықтық және әлеуметтік мемлекет ретінде орнықтырады.

Қазақстан тәуелсіздігін 1991 жылы 16 желтоқсанда алды. Ел астанасы – Астана қаласы. Мемлекеттік тілі – қазақ тілі. Орыс тілі ұлтаралық қарым-қатынас тілі мәртебесіне ие. Ақша бірлігі – теңге. ҚР Президенті – мемлекеттің басшысы, оның ішкі және сыртқы саясатының негізгі бағыттарын айқындайтын, сонымен қатар, ел ішінде және халықаралық қатынастарда Қазақстанның атынан өкілдік ететін мемлекеттің ең жоғары лауазымды тұлғасы. Президент – халық пен мемлекеттік билік бірлігінің, Конституцияның мызғымастығының, адам және азаматтың құқықтары мен бостандықтарының нышаны және кепілі.

Үкімет Қазақстан Республикасының атқарушылық билігін жүзеге асырады, атқарушы органдар жүйесін басқарады және олардың қызметіне жетекшілік жасайды.

Заң шығару қызметін тұрақты негізде жұмыс жасайтын екі палатадан – Сенаттан және Мәжілістен тұратын Қазақстан Республикасының Парламенті жүзеге асырады.

Сенатты конституциялық заңда белгіленген тәртіппен әр облыстан, республикалық маңызы бар қаладан және Қазақстан Республикасының астанасынан екі адамнан өкілдік ететін депутаттар құрайды. Сенатта ұлттық-мәдени және қоғамның өзге де елеулі мүдделерінің қамтамасыз етілуі қажеттігі ескеріліп, он бес депутатты Президент тағайындайды. Мәжіліс конституциялық заңда белгіленген тәртіппен сайланатын жүз жеті депутаттан құралады. Мәжілістің тоғыз депутатын Қазақстан халқы Ассамблеясы сайлайды. Сенат депутаттарының өкілеттілік мерзімі – алты жыл, Мәжіліс депутаттарының өкілеттілік мерзімі – бес жыл. Қазіргі уақытта Мәжілісте үш партия – «Нұр Отан» халықтық-демократиялық партиясы, Қазақстанның «Ақ жол» демократиялық партиясы және Қазақстанның Коммунистік халықтық партиясы өкілеттілік етеді.

Әкімшілік-аумақтық құрылымы бойынша ел 14 облыс және республикалық маңызы бар 2 қалаға бөлінеді:

1. Астана – республикалық маңызы бар қала 2. Алматы – республикалық маңызы бар қала

3. Ақмола облысы

4. Ақтөбе облысы

5. Алматы облысы

6. Атырау облысы

7. Батыс Қазақстан облысы

8. Жамбыл облысы

9. Қарағанды облысы

10. Қостанай облысы

11. Қызылорда облысы

12. Маңғыстау облысы

13. Оңтүстік Қазақстан облысы

14. Павлодар облысы

15. Солтүстік Қазақстан облысы

16. Шығыс Қазақстан облысы

Қазақстан тұрғындарының саны 2012 жылдың 1 қаңтарында 16 млн. 675 мың адамды құрады. 2009 жылғы ұлттық санақ бойынша Қазақстан қоғамының ұлттық құрамы төмендегідей болды:

 Қазақтар - 63,07 %

 Орыстар - 23,70 %

 Өзбектер - 2,85 %

 Украиндар - 2,08 %

 Ұйғырлар - 1,40 %

 Татарлар - 1,28 %

 Немістер - 1,11 %

 өзге ұлттар - 4,51 %

Қазақстан Еуразия құрлығының ортасында орналасқан. Алып жатқан жер көлемі 2 млн. 724,9 мың шаршы шақырым, еліміз әлем елдері арасында аумағы бойынша тоғызыншы орында. Солтүстігі мен батысында еліміз Ресеймен – 7591 шақырым (әлемде құрғақтағы ең ұзын үзіліссіз шекара), шығысында Қытаймен – 1783 шақырым, оңтүстігінде Қырғызстанмен – 1 242 шақырым, Өзбекстанмен – 2 351 шақырым және Түркіменстанмен – 426 шақырым шекара арқылы шектеседі. Құрғақтағы шекарасының жалпы ұзындығы – 13 200 шақырым. Оған қоса, республиканың құрлық ішіндегі теңіздері – Каспий және Арал теңіздері бар. Қазақстан – Әлемдік мұхитпен тікелей жалғаспайтын әлемдегі ең ірі ел.

 Ел аумағының ауқымды бөлігін – 44%-ын шөлдер және 14%- ын шөлейтті жерлер алып жатыр. Далалық жерлер Қазақстан аумағының 26%-ын, орман-тоғайлар 5,5%-ын құрайды. Қазақстанда 8,5 мың өзен бар. Каспий акваториясының солтүстік-шығыс бөлігі республика шегіне кіреді. Арал теңізі Қазақстан мен Өзбекстан арасында бөлінген. Қазақстанда үлкен және шағын 48000 көл бар. Оның ең ірілері – Арал теңізі, Балқаш, Зайсан және Алакөл.

 Мұхиттардан алыстығына байланысты елдің ауа райы күрт континентальды болып келеді. Қаңтардағы орташа ауа температурасы − солтүстікте -19 °C-дан оңтүстігінде -2 °C-ға дейін, шілдедегі орташа ауа температурасы − солтүстікте +19 °C-