Мен өмірді сүйемін психологияға арналған тренинг материалы

Тақырыбы: «Мен өмірді сүйемін» тренинг.Мақсаты: Адамзат баласына бірақ рет берілетін өмірді қадірлей білу. Өзінде бар құндылықтарды бағалай білуге үйрету.

Міндеттері:

Қатысушылар: 10 сынып оқушылары.

Көрнекілігі: Магнитофон, ритмді музыка, видиоролик, нұсқау көшірмелері, парақ, қалам, майшам.Барысы.Ұйымдастыру кезеңі:Оқушылармен сәлемдесу, Көңіл - күйлерін сұрау.

Тренингтің ережесі

Біз тыныштықты сақтаймыз

Бір – бірімізді тыңдаймыз

Өз ойларымызбен бөлісеміз

Сезімдерімізді сыйлаймыз

«Еркін би» тренингі

Ереже: Ешкімді еркінен тыс талап етуге болмайды.

Жүру барысы: Топ шеңбер болып отырып, қатынасушылардың біреуі ортаға шығып билейді. Бұл жағдайда өте жақсы билеуге ұмтылудың қажеті жоқ. Қимылдары еркін болу керек. Бірнеше минуттан кейін ол отырады, шеңберге келесі адам келеді. Осылай барлық қатынасушылар биге араласады. Соңында барлық қатынасушылар биге қатысып, көңіл көтереді.

Кеме апатынан жәбірленушілер

Мақсаты: жаттығуда топтық шешім қабылдау үрдісі зерттелінеді. Жаттығу топта келісімге келу үрдісі барысында тиімді жүріс-тұрыс жасауға үйретеді. Сонымен бірге, жаттығудың көмегімен топтағы коммуникативті үрдіс, басқарушылар мен үстемділік ерекшеліктерін, қатысушылар ұйымшылдықтарын қалыптастыруға мүмкіндік береді.

Өткізілу барысы: әрбір қатысушы төмендегі нұсқауларға сәйкес жаттығуды орындайды.

«Сіз Тынық мұхитының оңтүстік бөлігінде жеке меншік кемеде жүзіп келе жатырсыз. Өрт нәтижесінде кеменің үлкен бөлігі мен кемедегі жүктердің барлығы өртенді. Енді кеме ақырындап батып бара жатыр. Навигациялық құрылғылар барлығы істен шығу себебінен, сіздің орналасқан жеріңіз белгісіз. Жобалап айтатын болсақ, сіздер жақын маңда орналасқан жағалаудан оңтүстік-батысқа мың миль бар жерде тұрсыз.

Төменде өрттен аман қалған 15 заттың тізімі берілген. Сонымен бірге, сізде өзіңіз, экипаж және төменде келтірілген заттар сыйатындай резинкелі құтқару шлюпкасы бар. Оған қоса, аман қалған адамдардың барлығының қалталарынан шыққан бір қорап шылым, бірнеше қорап сіріңке және бес долларлық банкнот».

Сіздердің міндеттеріңіз: аман қалу үшін заттарды маңыздылығына байланысты ең қажетті зат 1, келесісі 2 және тағы сол сияқты 15-ке дейін қойып шығу қажет.

Секстанат

Қырынуға арналған айна

Бесгаллонды су бөшкесі

Масадан қорғайтын тор

Әскердегідей тамақтану рационымен жабдықталған қорап

Тынық мұхитының карталары

Отырғыш жастық (судағы құтқарушы құрал ретінде қолданылады)

Дизелді жанармайының екігаллонды баллоны

Транзисторлы қабылдағыш

Акулаларды қорқытатын репеллент

Жиырма квадрат фут жарық өткізбейтін пластик

Бір кварта пуэрто-рикандық ром

Он бес фут нейлондық жіп

Екі қорап шоколад

Балық аулауға арналған құралдар жиынтығы

Топтың әрбір қатысушы өзінің тізімімен жасап болған соң, келесі берілетін уақыт ішінде топтың орындауы керек тапсырмалары:

Келісімге жетудің арнайы әдістерін басшылыққа ала отырып, топқа ортақ болатын шешім шығару жолын жасау қажет. Тізімдегі берілген барлық заттар ерекшеліктерін ескере отырып, қатысушылар ой-пікірлермен санаса отырып ортақ шешім шығарылуы тиіс. Бір ортақ шешімге келу, әрине өте қиын. Әрбір қатысушының тізімдегі затты бағалау маңыздылығы бір бірімен сәйкес келеді деуге болмайды. Ендеше бір топ болғандықтан, әр бағалау мүмкіндігіне сай, келісімге келуге тырысу қажет. Төменде келісімге келудің бірнеше жолдары берілген:

Өзіңіздің пікіріңізді басқалардың пікірінен жоғары қоймаңыз. Әрбір сұраққа логикалық тұрғыдан келіңіз.

Өзіңіздің пікіріңізден конфликтті тудырмау немесе келісімге жету керек болғандықтан ғана бас тартпаңыз.

Өзіңіз келісе алатын шешімдеріңізді ғана қолдаңыз.

Конфликттермен күресу жолдары (дауысқа салу, қарсыласу немесе саудаласу) сияқты әдістерді қолданбаңыз.

Пікірлердің әр түрлі болуына кедергі келтіретін емес, шешім шығаруға әсер ететін фактор ретінде қараңыз.

2. Топ тізімді талқылап болған соң, дұрыс жауап қалай болатынын көру үшін қосымшаға қараңыз. Топтың ортақ бірлескен шешімін, әр қатысушы шешімдерімен салыстыруға болады. Сондай-ақ, топтық шешім шығаруды талдау үшін қосымша уақыт жұмсауға болады.

Келісімге жету үшін мінез-құлықтың қандай стильдері кедергі келтірді немесе көмегін тигізді?

Ортақ шешім шығару барысында көшбасшылық немесе бағыныштылық қатынастардың қандай түрі байқалды?

Келісімге келуге кімдер қатысты, кімдер қатыспады?

Бұл процеске кім үлкен әсер етті? Неге?

Талқылау барысында топтың ахуалы қандай болды?

Топтың мүмкіндіктерін оптималды түрде қолдана алдыңыздар ма?

Өз ойларын қабылдау үшін топ мүшелері қысымның қандай жабық формаларын қолданды.

Жалпы ортақ шешімге келу процесін қалай жақсартуға болады?