Мен өмірді сүйемін тақырыбындағы психологиялық тренинг

Тренинг тақырыбы :

«Мен өмірді сүйемін »

Тренинг мақсаты: Оқушылардың өмірге жағымды көзқарастарын қалыптастыру, өз- өзін және өзгелерді құрметтеуге баулу.

Міндеті: Оқушылардың эмоционалдық көңіл-күйін жақсарту, оқушыларды өз өмірінің мәнін түсіне білуге, рухани өсуге және жақсы мен жаманның аражігін ажырата отырып, өмірлік айқындамасын белгілей білуге үйрету. О қушыларды өз өміріне, өз сөзі, ойы және әрекетіне мұқият болуға, оқушылардың ойын ашық айтуға қалыптастыру.

Жұмыс түрі: топтық жұмыс

Көрнекілігі: интерактивті тақта, слайд, баяу орындалатын әуен, А4 қағазы

Сабақтың барысы

Кіріспе бөлім

- Сәлемдесу

- «Айтуға оңай» ойыны

- «Өмір» жаттығуы

Негізгі бөлім

- « Мен кіммін , менің жан - жақты ерекшеліктерім » жаттығуы

- «Өзіммен өзім» релаксация

- Сергіту жаттығуы

Қорытынды бөлім

- «Рефлексия»

Психолог сөзі: Қайырлы күн! Құрметті әріптестер және қымбатты оқушылар! Сіздерді көргендерімізге қуаныштымыз! Бүгінгі тренинг сабағымыздың тақырыбы «Мен өмірді сүйемін!» деп аталады . Әрбір адам - өмірге келген қонақ. Өмір өте мәнді, мағыналы, мазмұнды өтуі үшін адамдар бір - бірімен сыйластықта болуы керек. Олай болса өзіміз таңдаған өмірімізді мәнді де, мағыналы өткізу әрқайсысымыздың өз қолымызда екенін ескерейік. Бүгінгі тренинг барысында өзіміз сүріп жатқан ортаны және өзімізді танитын боламыз.

1-Жаттығу Сәлемдесу

Нұсқау: Алдымен барлығымыз шаттық шеңберін құрайық.

Әр адам өз есімін атап, бүгінгі күн үшін жақсы тілектер тілейік. Мыс: «Менің есімім ......, бүгінгі күндеріңіз қуаныш, шаттыққа толы болсын!».

2- жаттығу «Айтуға оңай» ойыны

Нұсқау: Қазір біз айтуға оңай ойлармен бөлісеміз. Сіздерге бірнеше сұрақтар беріледі. Соларға ойланып жауап берсек.

Өмірде не нәрсеге қол жеткіздіңіз?

Өмір несімен қымбат?

Адам не үшін өмір сүреді?

Өмірдегі ең қуанышты сәттеріңіз?

Өмірде үлкен табысқа жету үшін адам бойында қандай қасиеттер болу керек?

3- жаттығу «Өмір» жаттығуы

Нұсқау: «Өмір» деген сөзге ауызша ассосация жасап, әр әріпті жеке-жеке талдайық. Мысалы: өмір-өзен, өмір-мейірім, өмір-ірге тас, өмір-рахат.

Өмір- ө.....

Өмір- м...

Өмір - і...

Өмір- р...

4- жаттығу «Мен кіммін,

менің жан-жақты ерекшеліктерім»