Мен өзгені түсінемін жас мамандарға арналған жаттығу

«Мен өзгені түсінемін» жас мамандарға арналған тренинг

Мақсаты: Жас мамандардың өзі және өзге жайлы ой қозғау, өзін-өзі тануына бағыт беру, тәрбие жайлы пікір бөлісу

Міндеті: жас мамандардың өзгелердің жан-дүниесін түсінуге шақыру, ұжыммен қарым - қатынастың ерекшеліктерін психологиялық жаттығулар арқылы көрсету.

Күтілетін нәтиже: тренинг барысындажас мамандар өзін-өзі және өзгені түсініп, кез келген жағдайда қарым - қатынаста бір - бірін түсіне білу.

Тренинг ережесі:

Сөзді бөлмеу

Бір-біріне кедергі жасамау

Бірігіп жұмыс жасау

Күлімсіреу

Тренинг жоспары:

«Амандасу» жаттығуы

«Мен өзгені түсінемін» жаттығуы

«Біздің ханшайым мен ханзада» жаттығуы

"Ой толғау"

Қорытынды

Тренинг барысы:

I. Ұйымдастыру кезеңі

1. «Амандасу»жаттығуы

Қатысушылар шеңбер бойымен бір-бірін таныстырып шығады. Жас мамандар өзінің есімін айтып, дәл қазіргі көңіл-күйін табиғат құбылысымен сипаттайды.

Біздің есіміміз өзіміз үшін дүниедегі ең керемет әуен секілді. Сондықтан бұдан былай үнемі бір-бірімізге қарап сөйлегенде есімімізді еркелете, жағымды атаудан бастайық.

2. «Мен өзгені түсінемін» тренингі.

Жас мамандар екі топқа бөлініп, екі топта өздері басынан өткен қиындықтар мен қуанышты сәттерден көрініс қойып, оны келесі топ талқылайды.

1) Мені ренжіткен......

2) Мені қуантқан .....

Талдау:

- қай жағы көп болды? Қуантатын сәттері ме, әлде ренжітетін сәттері ме?

- неліктен ол жағы көп деп ойлайсыз?

- Оның көп болуына ұжымның әсері бар деп ойлайсыз ба?

3. «Біздің ханшайым мен ханзада» жаттығуы.

Топ екіге бөлініп, бір-біріне қарама-қарсы тұрады. Психолог ортаға бір ханшайымды немесе ханзада ортаға алып шығып көзін байлайды. Көзі байлаулы қатысушыны психолог жетектеп топ ортасынан өту барысында жан-жағынан басқа қатысушылар онын құлағына ол туралы жақсы өзіне ұнайтын қасиеттерін сыбырлап айтады. Осылай топтың ортасын жарып таққа әкеліп көзін ашып отырғызады. Қатысушыдан қандай сезімде екені туралы сұралады. Оны таққа отырғызып, қатысушылар енді ол адам туралы жағымды ойларын жеткізеді. Соңында «Ханшайым (ханзада) алға!» деп орнына шығарып салады. Жаттығу қатысушылардың барлығы қатысып біткенше жалғасады.

4. "Ой толғау"

Сізге не ұнады..........

Сізге қандай жағдай ұнамады.....

Сіз нені өзгерткіңіз келер еді.......

5. Қорытынды.