Мен тұжырымдамасы туралы ғылыми жұмыс

Мен – отбасы, қоғам!

(«Рухани жаңғыру» бағдарламасының «Тәрбие және білім» кіші бағдарламасы негізінде жасалынған тұжырымдама)

Тәуелсіздіктің біздің бәрімізге артар міндеті мол. Енді еңселі ел болудың жолына шыңдап түсуіміз керек. Әулетіміздің асуы да, дәулетіміздің тасуы да өз қолымызда. Не істесек те ақылмен істейік, арзан ұранға ермейік, ұшпа сезімге ерік бермейік дегім келеді. Әсіресе, жастар, салқынқандылықтан, үлкенді сыйлаудан, сөзге тоқтаудан айнымаса, қашан да достыққа адал болса, бауырмал, кеңпейіл болса, халықтың атына сөз келтіретін ұстамсыздық атаулыдан аулақ жүрсе деп тілейік.

(Н.Ә.Назарбаев)

Жастар – қоғамның ең ірі бөлшегі. Жаһанданған, өркениті дамып, бағдарлы болашаққа қадам басқан осы заманда елдің ертеңі саналатын жастар тәрбиесінен көптеген кемшіліктер кетіп жатыр. Бүкіл ел боп үкілеген үмітін артқан кезде, біз жастар, қайдан, неден қате жібергеніміз де өзімізге аян. Ал сол тәрбиенің кемшін тұстарын сіз бен біз болып қалай түзетеміз? Міне, осы нәрсе ғана өзекті болуға тиіс.

Қай кезеңді алып қарасақ та, «қараңғы қазақ төріне өрмелеп күн болып шығып» тұрған жастар аз емес. Дей тұра, сол өреден шыға алмай жатқандар да жетерлік. Сондықтан осындай келелі мәселені шешу үшін «Мен – отбасы, қоғам» тұжырымдамамды негізге аламын.

Мендік мақсат: Жастар мен жасөспірімдер тәрбиесінде кеткен кемшін тұстарды түзету үшін күрес жүргізе отырып, рухани тұрғыда жаңғырған, креативті жастар тәрбиелеу. Тұжырымдаманың іске асырылуы және түпкілікті нәтижеге қол жеткізуіме арналған мынадай негізгі жобаларым бар:

Мен;

Отбасы;

Қоғам.

Осы аталған 3 жоба тыңғылықты жүзеге асырылғанда біз жастар мен жасөспірім тәрбиесінің кемшілігін жөнге саламыз.

Тәрбиенің бар қайнары ең алдымен өзімізден басталады. Осы орайда С.Торайғыровтың «Жақсылық көрсем өзімнен, жамандық көрсем өзімнен»,-деген оралымдары ойға түседі. Расымен де әр адам ең бірінші тәрбиені өз-өзінен бастау керек. Адам өз-өзін тәрбиелей алғанда ғана өзгеге үлгі,кемшіліксіз бола алады.

«Өзін-өзі басқару, тәрбиелеу» жобасы мынадай қағидаларды негізге ала отырып жүзеге асады:

Күн сайын адам өз-өзіне есеп беру;

Күн сайынғы жетістігі мен кемшілігін сараптау;

Кез-келген нәрсені бірінші өзінен бастау.

Міне, осы қағидалар орындалғанда бойымыздағы жат нәрселерді түзете аламыз.

Тәрбие жайлы сөз қозғағанда оның негізгі қайнар көзі «Отбасы» екенін де қаперден шығармаған жөн. Отбасы – ұжымдастықтың, махаббаттың, сенімділік пен жылудың ұясы. Қандай жастар, жасөспірім болмасын, тіпті, адамзат баласы өзіне керегін ең бірінші осы отбасынан алады. Отбасындағы тәрбие қандай болса, ол солай бұрылады. Өмірдегі ең қатал әрі ең дұрыс мектеп – «әке мектебінен» өтеді. Ал бізде…