Мен және менің денсаулығым тақырыбындағы ойындар

"Мен және менің денсаулығым"

Білім беру саласы: «Денсаулық»

Оқу қызметі: Дене тәрбиесі

Тақырыбы: «Гимнастикалық орындыққа шығып тепе-теңдікті сақтап жүру,қос аяқпен шығыршыққа секіру, доға астымен еңбектеу »

Мақсаты: 1. Балаларға денсаулық туралы түсінік бере отырып,өз еркілерімен жаттығуларды жасауға дағдыландыру.

Бір-біріне кедергі жасамауларын,арақашықтықты сақтауларын қадағалау.

2. Әуенмен жаттығу орындауға қызығушылығын арттыру.

3. Гимнастикалық орындық үстінде тепе-теңдікті сақтап жүріп, қос аяқпен секіруді, доға астымен еңбектеуді үйрету.Ойлау қабілеттерін дамыту.

4.Ұқыптылыққа тәрбиелеу.

Қажетті құралдар: Гимнастикалық орындық, әр түсті шығыршықтар, доға, ойынға қажетті заттар.

Сөздік жұмыс: шығу,жүру,секіру, еңбектеу.

Ұйымдастыру кезеңі

Бір қатар сапқа тұрады

Сап түзеу

Сәлемдесу

Шаттық шеңбері: "Бала,бала,балақан"

Бала,бала,балақан,

Кәне, қайсы алақан

Саусақтарың әйбат,

Былай-былай ойнат.

Топ-топ,топ-топ басайық,

Жалаудан күн жасайық.

Жаса-жаса алтын күн!

Жаса-жаса жарқын күн!

(Қимыл-қозғалыспен)

-Жарайсыңдар,балалар!

-Балалар ,адам үшін осы өмірде ең басты денсаулық қажет.

-Егерде денің сау болсын десең - ерте тұру ,шынығу ,дұрыс тамақтану,таза ауада көп серуендеп жүру керек.

Ендеше балалар, денсаулығымыз мықты болу үшін ,,паравоз болып, жаттығулар орындайық.

1.Тік тұрып,оңға бұрылу.

2.Шеңбер бойымен аяқты нық басып жүру.

3. Аяқтың ұшымен жүру

4.Өкшемен жүру

5. Кедергілерге соғылмай ирелеңдеп жүру

Тыныс алу жаттығулары

Негізгі қимыл-қозғалыс жаттығулары:

1. Гимнастикалық орындық үстінде тепе-теңдікті сақтап жүру

2. Шығыршықтың ішіне қос аяқпен секіру.

3. Доғалар астымен еңбектеп өту

Слайд көрсету

-Балалар, кәзір жылдың қандай мезгілі?

Алда жарқыраған көктем мезгілі келе жатыр.

Олай болса бәріміз ,слайд арқылы көктем мезгілін тамашалайық.

"Сай-саладан сылдырлап су ағып жатыр.Ауылымызға жылы жақтан шықылықтап құстар ұшып келді. Ағаштар бүршік жара бастады.

Біз бір қабат тонымызды шешіп тастадық.Күн жарқырап шығып тұр"

Қимылды ойын: «Күн мен жаңбыр»

Ойын шарты:Балалар музыка әуенімен ойнап,секіріп,жүгіреді

"Жаңбыр жауды !"күркіреген бұлттың,жаңбырдың даусы естілгенде отыра қалады.

"Күн шықты" құстардың даусы естілгенде ,алаңға шығып ойындарын жалғастырады.

-Жарайсыңдар,балалар!

Балаларды мақтап-мадақтап,жұлдызшалар таратып,ашық оқу қызметін қорыту.

Сапқа тұру.Сап түзеу.Топқа оралу.

Рефлексиялық түзетушілік

1.Балалардың жасаған іс-қимыл жаттығуларына ризашылық білдіру.

2.Қауіпсіздік ережесін сақтау.

3.Балалардың көңіл-күйлерін бақылау.

Күтілетін нәтиже:

Орындайды: Жан-жақты дамыту жаттығуларын орындайды;