Мен және менің мамандығым тақырыбындағы эссе, 2 бет

Мен және менің мамандығым

Әр адам өмірінде болашақ мамандығын терең ойлайтын бір кезең болады. Әр қайсымыз бір мамандық иесі не біреуге ұқсағымыз келеді. Әрқайсы бұл өмірінде өз орынын тапқысы келеді. Болашақ мамандық тек қуаныш әкелуі тиіс.

Және де мен адамдарға пайдасы тиетін мамандықты таңдадым. Мен – жас психологпын. Сонымен ,психолог болу деген қалай? Менің көзқарасым бойынша бұл күрделі мамандықты таңдаған адам белгілі бір қасиетке ие болу керек. Маңызды қасиеттер – пунктуалдылық, инициатвті, мақсатқа бағытталған, жинақы, рационалды болу, сонымен қатар ең маңыздысы – интуиция.

Соңғы кездері психолог мамандары жылдан жылға талап етіліп келеді. Бұл немен байланысты? Бүгінгі қоғам ағымдағы өзгерістер мен толассыз жаңалықтар заманында өмір сүріп жатыр. Көгілдір экранды жаулап шетелдік фильмдер, түрлі діни бірлестіктер, интернеттің қол жетімділігі жастарымыздың санасын улап жатқаны ешкімге жасырын емес.

Бұл олардың психологиясына да өз әсерін тигізуде.Жастардың бойында ашушаңдық, қатыгездік, зейіннің төмендеуі сияқты кері мінез- құлықтың болуын тудыруда. Бұл тек ересектер емес сонымен қатар мектеп жасындағы, тіпті кішкентай балалардың бойында да байқалады. Міне, осындай адамы мен заманы көптеген өзгерістерге тап болған кезеңде психолог мамандығы қажет.

XXI ғасыр - психологтар ғасыры. Адамды –бүкіл тіршілік әлемінен ерекшелейтін – оның ерекше жетілген психикасы. Сол психиканың дұрыс дамуына ықпал ететін, әрине психологтар. Әр адам –адамзаттың жеке – дара өкілі болғанымен, өзіндік ерекшеліктерімен дараланады. Себебі, әр адамның өзіндік мінез – құлқы, бет - әлпеті қайталанбайды.

Егеменді еліміз дамыған отыз елдің қатарына еніп, халқымыздың көзқарасы кеңейіп, психологияға да бет бұратынына сенемін. Сол кезде әрбір жанұяның, әрбір адамның жеке психолог маманы болып, психологтардың табысы еңбегіне сай болады. Сол кезде тәжірибеміз көбейіп, беделіміз жоғарылап, білікті маман болып, армандардың орындалатынына сенемін. Сол уақытта барлық адамдардың аузынан,

Ашуыңды басатын,

Өмірге жол ашатын,

Маман жоқ ғой жаhанда,

Психологтан асатын!- деген өлең жолдар

еститін боламыз. Барлық жақсылықтар алдыда, еңбегіміздің бағалануы болашақта екеніне сенейік, қымбатты әріптестер!

М.Әуезов атындағы орта мектебінің психологы

Даулетханова Мадина