Мен және менің мамандығым туралы эссе

«Кантемир бастауыш мектебі»КММ

Бастауыш сынып мұғалімі

Жамбалхан Маржагуль

Эссе

Тақырыбы: «Мен және менің мамандығым»

Ақырын жүріп анық бас, Еңбегің кетпес далаға.Ұстаздық еткен жалықпас, Үйретуден балаға, - деп Абай атамыз айтқандай, ұстаз – ұлы тұлға, ұлы есім дегім келеді. Әрбір ұстазда мақтан етер оқушы болса, онда еңбегі зая кетпегені. Мен өз мамандығымды, оқушыларымды өте жақсы көремін.

Ш. А. Амонашвилидің «Мұғалім өз сабағын сүймесе, оған өзі сүйсіне білмесе, ол шәкірт бойына да сүйіспеншілікті дамыта алмайды..» деген еді. Мұғалім болу – жай ғана мамандық емес. Ол – адам бағдарын жасаушы. Өйткені мен ұстазбын, келешек ұрпақтың сәулетшісімін. Мен мұны мақтаныш сезіммен айта аламын. Күнде ертеңгісін жұмысқа келгенде, балалармен бірге болған әрбір уақытым мені жаңа әлемге жетелегендей болады. Алдымда отырған оқушыларымның сүйкімді де, әдемі, байсалды да, ақылды жүздерін көргенде олардың менен күтетіндері өте көп екенін білесің... Қазіргі заманның ұлы ізгі педагогтарының бірі болып табылатын Ш.А. Амонашвилидің «Білім беру үрдісінде рухани кең жүректі, гуманды тәрбиеші мен ұстаздар, балалар мен оқушыларды кең жүрекпен сүю қажет», - деген бір сөзіне үңіліп қарайтын болсақ, мұнда біз ұстаздың махаббаты оқушыдан құралуы тиіс дегім келеді. Бірақ қалай сүю керек деп емес, нақты әрбір баланы сүю арқылы тәрбиелеудегі үрдісті жолға қою қажеттілігі туындайды. Оқушылардың сабаққа деген қызығушылығын, танымдық белсенділігін, тіл үйренуге деген ынтасын арттыру үшін жаңа технологияларды қолдана отырып, инновациялық әдістермен жұмыс жүргізгенді жақсы көремін. Қазір жаңа технологиял

Өз тәжірибемде осының біреуін қолдану үшін күнделікті сабаққа кірген кезде оқушылардың жүздеріне мұқият қарап, олардың көңіл - күйлерін түсінуге тырысамын. Кейбір оқушылар көңілдері көтеріңкі, жайдарлы болса, кейбіреулерінің сабаққа ешқандай құштарлығы болмайды. Сондай сәтте мен әр сабағымды метожолдау, жылулық шеңбері, жақсы лебіз, психологиялық сәт немесе жақсы көңіл көтеретін әнмен, өлеңмен бастаймын. Бұл әдіс бір жағынан оқушылардың көңілін көтереді, екінші жағынан сабаққа деген қызығушылығы артады. Мен бастауыш сынып мұғалімі болғандықтан балаларды дұрыс сөйлеуге, ойын еркін жеткізе білуге үйретіп қана қоймай, оларды қазақ халқының салт- дәстүрін, мәдениетін сыйлауға, мемлекеттік тілді қадір тұтып, сыйластықпен қарауға үйретемін. Мерекелік ертеңгіліктерде үйірме жұмысында қазақ тілінде тақырыпқа сай тақпақ, жұмбақ, мақал-мәтелдерді жатқа айтқызып, ойлау, есте сақтау қабілеттерін дамытуға тырысамын.