Мен және қоршаған әлем өзін-өзі тану 6 сынып

Тексерілді: _______________ «____»______________________

Пән: Өзін – өзі тану

Мектебі: _______________

Күні: _______________

Мұғалімі: _________________________

Сыныбы: 6

Оқушылардың саны:

Тақырыбы: Мен және қоршаған әлем

Құндылығы: Қиянат жасамау

Қасиеттері: Қоршаған ортаны қорғау, ақжарқындылық, татулық

Мақсаты: Оқушыларға адам және қоршаған әлем үйлесімділігі туралы түсіндіре отырып, қиянат жасамау құндылығының мәнін ашу.

Міндеттері:

Білімділік: Оқушыларға қоршаған ортаны қорғаудың маңыздылығын түсіндіру.

Дамытушылық: Оқушылардағы ақжарқындылық қасиеттерін дамыту.

Тәрбиелік: Оқушыларды татулыққа тәрбиелеу.

Ресурстар:

(материалдар, дереккөздер)

http://kz-minusovki.ucoz.kz

3. bilim-all.kz

Сабақтың барысы:

Ұйымдастыру кезеңі.

5 Т – ережесі:

Тәртіп.

Талап.

Тыныштық.

Тазалық.

Татулық. Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Тыныштық сәті.

ОРМАНҒА ОЙША СЕРУЕН.

Мұғалім: Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз, қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы

Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетініміз бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз! Рахмет!

2. Үй тапсырмасын тексеру.

1. №21 – сабақ. «Мен және мені қоршаған әлем» тақырыбында эссе жазу.

2. Келесі сабақ. №22, «Есею» мәтінін оқып келу.

Сұрақтар:

Айдардың қырға баруының мәні неде деп ойлайсыңдар?

Бейсен Айдарға қандай кеңестер берді?

Айдар көкесімен еріп кетерде қозысын қамауының себебін қалай түсінесіңдер?

Баланың ақбас қозыға деген қамқорлығынан жалпыадамзаттық қандай құндылықтар көрінеді?

3. Сабақтың дәйексөзі.

(Ұл балалар бір рет оқиды, қыз балалар бір рет оқиды, барлығы бірге қайталайды)

Адамзаттың табиғатсыз – күні жоқ

Табиғаттың оны айтарға – тілі жоқ

Сұрақтар:

Табиғаттың сұлулығынан қандай әсер аласыздар?

Табиғатты әдемі ету кімнің қолында?

Табиғатты қалай аялау керек?

4. Оқиға айту (Мұғалім сыйы)

Алма ағашы

Ерте-ерте-ертеде әдемі үлкен алма ағашы болыпты. Бір кішкентай бала сол алма ағаштың көлеңкесінде үнемі келіп ойнағанды жақсы көретін. Ағаштың ең басына шығып, нәрлі жемісін жеп, көлеңкесінде ұйықтайтын еді. Ағашты жақсы көретіні анық еді. Ағаш та баланы жақсы көретін.…