Мен жиырма бірінші ғасыр ұстазымын: шет тіліне арналған эссе

Мен ХХІ ғасыр ұстазымын атты эссе

Мен Жарылқапова Жанна Рысханқызы, 1982 жылы 16 сәуір айында Оңтүстік Қазақстан облысы, Бәйдібек ауданы, Ақбастау ауылында дүниеге келгенмін. 1988 жылы Ш.Уалиханов атындағы орта мектебіне сабаққа барып, осы аталған мектепті 1999 жылы бітірдім. 2002-2006 жылдары Шымкент қаласындағы МКТУ университетінің «Шет тілі және неміс тілі» мамандығы бойынша оқып, бітіріп шықтым. 2006 -2009 жылдар аралығында Бәйдібек ауданы Ақбастау ауылындағы Ш.Уалиханов атындағы жалпы орта мектебінде ағылшын тілі пәнінен мұғалімдіқ қызмет атқардым. 2012-2013 жылдары Бәйдібек ауданы Жолғабас ауылы Жолғабас негізгі орта мектебінде ағылшын тілі пәнінің мұғалімі болып қызмет атқардым. 2013-2017 жылдың қазіргі таңына дейін Бәйдібек ауданы Шаян ауылындағы №19 колледжде ағылшын тілі пәнінің оқытушысы болып қызмет атқарып келемін.

Кәсіптік білімге - болашақ мамандардың кәсіби біліктілігін арттыруға, кәсіби құзіреттілігін қалыптастыруға, бәсекеге қабілетті тұлғаны тәрбиелеуге инновациялық технологияны енгізу сапалы да білікті маман даярлауға ықпал етеді. Бүгінгі әлемде жаһандануға бейімделіп, ұлттық бәсекеге қабілетті маман болудың көрсеткіші-кәсіптік білім деңгейі. Заманауи қоғамда техникалық және кәсіптік білім беру саласының алатын орны ерекше. Міне, осылай әрбір ұстаз оқу сабағының өтілуі нағыз білікті ұстаздардың жұмысы және нәтижелі жемісі деп білемін. Менің түсінігімдегі ұстаздық шебері-рухы таза, ой-өрісі биік, ұлты мен Отанының болашағы үшін тер төгіп, шыдамдылық пен табандылықтың үлгісін көрсетуші, өз бойындағы асыл қасиеттері мен кәсіби білімін болашақ ұрпақтың бақыты мен кәдесіне жаратып, қоғамды өрге өркендетуші,жаңашылдықтың бастаушысы, жүрегі –жылы, көңілі-дарқан адам.

Менің педагогикалық философиям-қарапайым. Оның көптеген қырларын сөзбен айтып көрсету мүмкін емес, жүрегіңмен және жан- тәніңмен сезіне аласың. Колледжде тәрбие-барлық тәрбиенің бастамасы. Ұстаз балаларды адам мәдениетінің әлеміне, күрделі және алуан түрлі қарым-қатынастардың әлеміне ертетін үлкендердің бірі. Мен колледжде төртінші жыл еңбек етудемін, бірақ мен еңбектен жалыққан емеспін. Ұжымымның өмірінде таңғажайып қызықтар бастан өтіп жатады. Бірақ,бәрінен де жарқ етіп, есте қалғаны-ұжыммен танысып, жұмысқа түсуім. Ол кезде кәсіптік лицейдің есігін ашқанымда-бақытты жастық шағымның әлеміне түскендей болдым. Әр мамандықтың өз қиындығы, өз қызығы бар. Ұстаздың жұмысы күрделі де, қызықты да. Шынымды айтсам, кейде жұмыстан соң келгенде, қатты шаршағанымды сеземін. Бірақ сол өткізген күнді талдай отырып, балаларымның маған деген ықыласын, маған қараған сенімге толы көздерін, сабаққа деген қызығушылығын еске түсіргенімде шаршағаным ұмытылып та кетеді. Осы бір бақытты жастық шағымның әлеміне бір бойласаң, ешқашан басқа жаққа кете алмайсың деп ойлайсың. Мөлдір бұлақтың бастауын, көзін ашып, тұнығына қану үшін

қаншама қиын да қызықты еңбекпен тер төгу керек десеңіз, балаларды еңбекке тәрбиелеу, олардың ой-сезімдерін ашық, еркін, көркем жеткізе алуға баулу, танымдық қабілеттерін дамыту-ұстаздардың мақсаттарының бірі. Ұстаз киелі мамандық. Адам тәрбиелеу, оған кәсіптік және ғылыми негіздерінен мәлімет беру, баланы қоғамда өз орнын тауып, өмір сүруге үйрету өте қиын шаруа. Бір рет 12-13 баламен сабақ өткізіп көрген адам ғана оны түсінеді. Ұстаз күн сайын ерлікке пара-пар жұмыс жасайды. Мен әрі кәсібімнің маманы, әрі суретші, әрі әртіс, әрі ана, әрі жолдас, әрі баланың жан дүниесін түсіне алатын психолог ретінде балаларымды тәрбиелеуде халқымның ғасырлар бойы келе жатқан құндылықтарын бойына сіңіріп, ойына ұялатуға тырысамын. Бұл мамандық содан да киелі деп ойлаймын. Жан-Жак Руссоның «Ұстаз болу-өз уақытыңды аямау, басқаның бақытын аялау» деген нақыл сөзі жаныма өте жақын. Ұстаз білгенін үйретуші ғана емес, тұла бойы тұнған өнеге, ақ батасын берген әке тәрізді барлық пенденің бойынан жақсылық іздейтін ізгі ниет иесі. Шәкірті өзінен озған шебер-еңбегі ақталған шебер. Өйткені, өмірдің заңы даму, ілгерілеу және озу. Өзінен озған шәкірт тәрбиелейтін ұстаз үздіксіз ізденісте болып,қоғам сұранысын

«Балаға мінез үш алуан адамнан жұғады, бірінші ата-анасынан, екінші- ұстазынан, үшінші-құрбыларынан»-деп ұлы Абай айтқан. Жасыратыны жоқ, қазіргі ата-ананың сұраныс деңгейі биік. Баланы жан-жақты, дені сау, үйлесімді болып өсуіне ата-анасы аямай қаржылай көмек береді. Жастайынан музыка, би, шет тілдері, спорттық үйірмелерге қатыстырады. Оның барлығы, әрине заман талабына сай, бірақ ең бастысы-адамгершілік, инабаттылық тәрбие-тәрбиенің бастамасы екендігін ұмытпағанымыз дұрыс. Қазіргі таңда шет елдерден келген жаңа инновациалық технологияларды алып, сол бағытта жұмыс жасамасақ, үлгі-өнеге, жарасымды тәрбие алмайтынымыз анық. Менің кәсібіме, еңбек іс- әрекетіме деген көзқарастың қалыптасуына әріптес ұстаздарымның рөлі ерекше, Атап айтсам Ғ.Райымбек, Г.Әжмағанбетова, Ұ.Адырбекова және ерекше айтып кететін ұстазым Ш.Уалиханов атындағы жалпы орта мектебінің ағылшын тілі пәнінің мұғалімі Жанысбаева Ләззат ұстаздарымнан көптеген үлгі өнеге алдым.

Осы кісілерден алған ең басты сабағым-балаға деген мейірімділік, қамқорлық және жанашырлық, шыдамдылық, шынайы болу және әрдайым шығармашылық ізденісте болу. Бақытты жастық шағымның әлемін тереңірек танып, өз өмір тәжірибемнің, мейірімнің дәндерін қондыру-менің жұмысымның мәні. Балалармен жұмыс жасау –үлкен бақыт. Ұстаздың басты міндеті- жеке тұлғаның ұлттық және жалпы адамзаттық құндылықтар негізінде қалыптасуы мен дамуы және оның жетілуі үшін қажетті жағдай жасау; баланы тәрбиелеу, білім алу және жан-жақты қалыптасу, ана тілі мен ұлттық салт-дәстүрлерін сақтау, және елбасымыздың салихалы саясатында «Үш тілім-Үш тұғырым» атты тілдерді қалыптастыру, денсаулығын нығайту сияқты құқықтарын іске