Мені қоршаған әлем ашық сабағы мектепке дейінгі топқа

Тақырыбы: « Мені қоршаған әлем»

Мақсаты: балаларды туған жерге, қоршаған ортаға, табиғатқа деген сүйіспеншілігін арттыру. Жанды және жансыз табиғат түсініктерін одан әрі дамыту. Құстар мен өсімдіктерді, жануарларды қорғауға және қамқорлық жасай білуге, ұйымшылдыққа, мейірімділікке тәрбиелеу.

Көрнекі құралдар: интерактивті тақта, теледидар ,табиғат көрінісі, шығармашылыққа қажетті құралдар, суреттер, ойынға қажетті құралдар.

Әдіс – тәсілдер: Блум түймедағы, елестету көрінісі, жетістік баспалдағы, кубизм және танграм әдістері.

Ұйымдастыру бөлімі: балалармен музыкалық сәлемдесу. Балалар, қараңыздаршы бүгін бізде ерекше күн. Бізге көптеген қонақтар келіп отыр. Олар біздің қандай білімді , ақылды, тәртіпті екенімізді көру үшін келіп отыр екен. Олай болса,бәріміз келген қонақтармен амандасып алайықшы.

Балалар ортаға шығып, шаттық шеңберін құрып, амандасады.

Шаттық шеңбері:

Біздер жақсы баламыз

Өсті ақыл санамыз.

Қонақтармен ең алғаш,

Амандасып алайық.

Тәрбиеші: Сәлеметсіңдер ме балалар!

Балалар: Сәлеметсіздер ме!

Тамаша, балалар. Орнымызға отырайық. Балалар, біз бүгінгі ұйымдастырылған оқу қызметімізді бастамас бұрын, тобымыздың көңіл-күйін анықтап алайықшы.

-Балалар, сендердің көңіл-күйлерің қалай?

-Жақсы.

-Көңіл – күйлеріңді көрсетіңдерші?

-Бас бармақтарымен көрсетеді.

-Қазір жылдың қай мезгілі?

-Көктем

-көктем мезгілінде неше ай бар,қандай атайықшы.

-Көктемде қандай өзгерістер болады?

-Ағаштың жапырақтары сарғайып түседі, құстар жылы жақтан ұшып келеді, қарлар ериді,адамдар жеңіл киіне бастайды.

Балалар жалпы табиғат туралы кім қандай мақал-мәтел және тақпақтар біледі екен.

-балалар білгендерін айтады.

Адамның табиғатсыз күні жоқ,

Табиғаттың оны айтар тілі жоқ. Қазына

Сүйейік табиғатты аялайық,

Біз одан жақсылықты аямайық.

Анадай табиғаттың аясында,

Жадырап жас балаша дем алайық. Медина

Табиғат жер байлығы,

Батырлар ел байлығы. Жаннур

Табиғатты қорғау үшін бәріміз,

Күресейік, бір-бір ағаш егейік.

Текке отырмай, жасымыз бен кәріміз.

Таза ауа үшін терімізді төгейік.. Айлин

-Олай болса табиғаттың керемет сұлулығын тамашалап, жақсы көңіл-күймен бүгінгі ұйымдастырылған оқу қызметімізді бастаймыз.

Балалар, бізді не қоршап тұр? (миға шабуыл)

-Табиғат.

-Бізді қоршаған әлем (табиғат) нелер жатады?

- Жануарлар, өсімдіктер, жәндіктер, су, топырақ.

-Тамаша балалар.

- Міне, балалар, қараңдаршы біздің еліміздің табиғаты қандай тамаша. Бізде кең байтақ дала да, аспан мен тілдескен таулар да бар. Ұлан байтақ жерімізде аңдар мен құстар мекендейді.

Ғажайып сәт: Музыка әуені ойнайды. Топқа өзі жүретін қапшық келеді.

-Балалар қараңдаршы бұл не?

-Дорба.

-Ішінде не бар екен, ашып көремізбе?

-Ия ашып көрейік.

- Дорбаның аузын ашып, ішінен диск пен глобусты аламын.

-Балалар қараңдаршы мен дорбаның ішінен диск пен глобус алдым.

Осы кезде дорба кері бұрылып шығып кетеді.

-Балалар енді алдымен мына дискні қосып қарайық, мүмкін бүгінгі оқу қызметімізге қажетті бір қызық бар шығар.

-Дискні қосу.

Балалар бізге хат келген екен. Ішінде не жазылып тұр екен. Атамыз бізге видео жолдама жолдаған екен.

-Мен – орманшы аталарыңмын. Мұнда бірнеше тапсырмалар берілген. Сендер тапсырманы дұрыс орындасаңдар, кішкене болса да табиғатқа өз пайдаларыңды тигізген болар едіңдер. Кане тапсырманы орындаймыз ба?

-Иә.

-Табиғаттың неше түрі бар?

-Екітүрі бар. Жанды және жансыз табиғат

-Жанды табиғатқа нелер жатады?

-Жануарлар, адамдар, өсімдіктер, құстар, жәндіктер.

-Жансыз табиғатқа нелер жатады?

-Тау, тас, күн, су, жер.

-Жанды табиғат пен жансыз табиғаттың айырмашылығы қандай?

- Жанды табиғат өседі, ал жансыз табиғат болса өспейді. Балалар мынау гүл. Ол қандай табиғатқа жатады?Жанды . Ал мынау тас, ол – жансыз табиғат.(Ұстап көріп, айырмашылығын айтады.(Бала үні)