Тіл дамыту сабағы Қысқы орман мектепке дейінгі топқа

Білім беру саласы: Таным, Қатынас, Шығармашылық

Тақырыбы: Қысқы орман ертегісі

Мақсаты: Балаларды қыс мезгілі және жабайы жануарлармен таныстыру, олардың тіршілігі, қорегі туралы түсінік беру; Ертегіні тыңдай білуге, ағаш суретін сала білуге үйрету; Ақыл ойларын,тыңдай білу қасиетін дамыту.Табиғатты сүюге, жануарларды қорғауға тәрбиелеу.

Сөздік жұмыс: қоян, қасқыр, түлкі, аю, кірпі, тиін.

Қолданылатын әдіс- тәсілдер: әңгімелесу, ойын, демонстрациялық көрсету

Көрнекіліктер: «Қысқы орман» көрінісі, жануарлардың суреттері.

-Ұйымдастыру кезеңі:

«Кел, балалар тұрайық,

Үлкен шеңбер құрайық!»

-Жылулық шеңбері: «Кел, танысайық!»

Әңгімелесу: Балалар, мына суретте не көріп тұрсыңдар? Дұрыс айтасыңдар, бұл қыс мезгілінің суреті. Қазір қыс мезгілі. Қазір қай мезгіл? Бүгін біз сендермен қысқы орманға барамыз. Ал сендер білесіңдер ме, орман дегеніміз не? Иә, дұрыс айтасыңдар, көп ағаштар өсіп тұрған жер. Жел соққанда ағаштар қалай тербеледі? ( Ш-ш-ш-ш)

- Жарайсыңдар, ал енді пойызға отырып, қаланың сыртындағы орманға барайық.

Қ/о. «Пойыз»

Пойыз бізді қайда алып келді?

Балалар, қараңдаршы, қандай әдемі! Айнала аппақ. Ағаштардың бұтақтары қардан көрпе жамылған. Орманда тыныштық. Ауасы қандай таза! Қане, мұрынымызбен терең тыныс алып, таза ауамен дем алайық. (Тыныс алу жаттығуы). Алыстан тоқылдақтың ағашты тоқылдатқаны естіледі. Тоқылдақ ағашты қалай тоқылдатады? (Тоқ -тоқ –тоқ) Қысқы орман қандай әдемі! Ол біздің келгенімізге қуанып, ертегі айтып бергісі келеді. Қане, ормандағы сәкіге отырып, ертегіні тыңдайық.

Ерте,ерте, ертеде,

Ешкі жүні бөртеде,

Қарлы Қыс болыпты. Ол өзінің аппақ қар көрпесімен жерді, ағаштарды жауып тастапты. Айнала аппақ болыпты. Қыста айналамыз қандай түсте болады екен? Бір күні Қыс орман жануарларының қысқа қалай дайындалғанын көргісі келеді.Ол аюдың үйіне келеді. Аюдың үйі қалай аталады? (Апан).

Амансың ба, аю? Қалың қалай?

Аю үндемейді. Өйткені ол ұйықтап жатыр екен. Қыста аю өзінің апанында көктем келгенше, ұзақ ұйықтайды. Ал сендер білесіңдер ме, аю нені жақсы көреді? Ол қалай жүреді? Орнымыздан тұрып аю сияқты қорбаңдап жүрейік.(Қимылмен қорбаңдап, аяқтың сыртымен жүру).

Аю қысты дұрыс қарсы алды, себебі, аюлар қыста ұзақ ұйықтаулары керек,- деп Қыс ары қарай жүреді.

Қыс сендерге жұмбақ жасырады:

Бұтадан бұтаға секірген,

Кішкентай ғана шапшаң аң.

Иә, дұрыс айтасыңдар, бұл тиін. Ол өзінің үйі ағаш қуысында күзде дайындаған азығымен қоректеніп отыр. Ағаш қуысында отырған тиін саңырауқұлақтарды, жаңғақтарды жеп, ән салып отырған тиінді көріп, Қыс одан ары жүрді. Тиінмен ойын ойнайық.

Қ/о: «Жаңғақ пен тиіндар».

Қыс қоянға келеді. Жазда қоян сұр еді, енді сұр тонын шешіп, қар сияқты ақ тон киіп алыпты. Ақ тоны қоянды қасқыр мен…