Менің ағартушылық ұстанымым педагогтерге арналған эссе

Разахова Салтанат Ерсайынқызы

Химия пәнінің мұғалімі, мектеп директоры

Солтүстік Қазақстан облысы, Ғабит Мүсірепов атындағы аудан

Шұқыркөл ауылы

Айқын Нұрқатов атындағы Шұқыркөл орта мектебі

«Менің ағартушылық ұстанымым»

эссе

Кеңес қоғамының мектебін тәмамдап, жоғары оқу орнын аяқтағаннан кейін білім саласында еселі еңбек етіп келемін. Өзімнің білім берген аяулы ұстаздарымның қажырлы да қайратты еңбектері маған да ықпалын тигізді деуге болады. «Кәрі жастан көргенін сұра»-, деген мақалдың дұрыс айтылғанына себепші болдым. Қиын да қырлы педагогика саласы заман өлшемімен мені де баурап әкетті. Сыныптастарымның ішінен екі түлек осы жолды таңдаппыз.Туған жер әркімге ыстық қой шіркін! Мұғалімдік еңбек жолымды кіндік қаным тамған жер, өз ауылымнан бастадым.

Аралас мектеп қабырғасынан шыңдала отыра, Қарағанды қаласында № 39 мектеп-гимназиясында химия пәнінің мұғалімі қызметінде он жылдай еңбек етіппін. Қазір талай түлектерім сан саланың маманы болып егемен елімізде еңбек етуде. Жұбанышым мен қуанышым мектеп болды. Әр кез алғашқы бейне болып алдымда бірінші мұғалімім үнемі алда тұрады. Байсалды, баппен сөйлеген, мәнерлі дауысы сені қияға жетелеген ұстазыңды қайтіп ұмытасың?! Сол кез, әлі де көз алдымда тұр. Кейде уақыт зырғып өтіп жатса да ұстазыңның алақаны сенің басыңнан сипап өткендей сезімде боласың. Себебі не десең? Ол сенің төзімді болып, қажырлы еңбегіңде толерантты болуыңа жетелегенінің белгісі екен. Заман нарығына жаһандануға бет бұрғанда таласып түрлі технологиялар келіп жатыр, шет елден енген жаңа мәтін тіркестер барлық сөздіктерді толықтай түсуде. Сондада сенің өз философияңның бәйтерегі күнге қарай бет алып, биіктей түседі.

Ақын Мағжан - педагог мәртебесін жоғарыдан бағалаған жанның бірі. Тұтастай жарқырап өткен жұлдыздарымыздың мұрасы бізге нағыз философия емес пе? Құлшынысы мен шабыты сені баурап әр сөзімен нәрлеген шоқтығы биік Абай данамыз бен Шәкәрім бабамызды үлгі ететін ұрпақпыз. Даналардың пәлсапалық ойлары әлі де санамызда жаттаулы.

Тұран жерінен шыққан жаңа буын қатарында өзіңді қалдырмайтын сәйгүлігің болып қазақтың бес арысы тұр. Менде буынға ілесіп ортадан асқан жасымда осы асыл қасиеттерін бойына сіңіріп кетуге ұмтылып жатқан адамның бірімін. Филиософиялық қағидат болып ар намысым, туған жерім, елім болса, педагогикалық философиям мәңгілік қазақ елі болмайтынына не кепіл? Менің тұраным қазақ жері, жаңа жолым, сара жолым мәңгі елім болмасқа не кедергі? Жас буыным- жас айбыным, жас ұланым, сенің сүрер салтанатың білімді елің! Еңбек етіп, еліңе ардақты болуыңа жетелер жол тек дара жолының болатынын айтып өтейін. Философиямның күре тамыры анау үлкен арыстардан бастау алған ұрпақтың бірі сен болсаң «Оян» деуге сөзім бекерге шықпас деген ойдамын.

Жас тәуелсіз елімнің сенері де тірегі де сен екеніңді ұмытпассың! Мені баурап әкеткен осы жолдың қызығы да шыжығы да сеніде сол жолда шыңдар, достым! Тек жолыңнан таймай сол бастауыңның сарасы кеңінен жайылсын демекпін! Мені әр ой жетелеп, сені де әр ой жетелеп кетсе тек сол білімнің дана жолында өз орныңды өмірде табуыңа тырыс!

Кешікпей әрі бері табыстырар барлығын бірізділік берген білім үміт шырағданы боларына сен! Мамандықтың түрі көп болса да, педагогика саласы барлығынан да қадірлі. Адам адаммен қарым қатынаста жұмыс жасай отырып, әр кезеңді бағындырып, жемісін кеш болса да күтуде. Айтары нешік, мұғалім мамандығынан безіп жатқан жастарымыз аз емес, әрине! Оған керегі төзімділік болса, сенің бұл мамандықта берерің көп болса да, басқалардан гөрі парасаттылығың алғашқы орында емес пе? Сондықтан әр адам мұғалім бола алмайтыны осыдан.Талай өзгеріс ортасынан негізіңді ұмытпай, жаңа ортада адаспайтын мобильді маман иесі- мұғалім екенін дәлелдеудің қажеті жоқ. Қай ауыл мен қай қалаға барсаң да, мұғалім бейнесі қоғамның шешуші тетігі болып қала бермек. Дипломмен ауылға бағдарламасымен келген жастар білім салтанат құрған ордада еңбек етуде.

Сен де қалмай солардан еңбектеніп келесің. Бірақ беделді болу ізгі жолдан адастырмайтынына сенімдімін! Менің таңдаған мұғалім мамандығым менің өмірлік философиям болып қала бермек…. Ой өрнегімен әрлеп жаза бергім келеді,…