Менің балабақшам ашық сабағы мектепке дейінгі топқа

Менің сүйікті балабақшам

Мақсаты: балабақшаға деген сүйіспеншілігін дамыту, өзінің балабақша ұжымының мүшесі екенін санасына сіңіру,достық қарым-қатынас сезімдеріне тәрбиелеу.

Міндеттері: үлкендердің еңбектерін бағалауға үйрету, балабақшаға деген мақтаныш, құрмет сезімдерін дамыту, айналасындағы адамдарды жақсы көруге тәрбиелеу.

Әдістер: түсіндіру, әңгіме, ойын.

Көрнекілік: балабақша суреті, безендірілген бөлме.

Тәрбиеші: Сәлеметсіңдерме балалар? Көңіл-күйлерің жақсы ма? Балалар бүгін ерекше күн. Біздің сабағымызға көптеген қонақтар келіп отыр, олай болса қонақтармен сәлемдесіп алайық.

Балалар:

Сәлем беріп сіздерге,

Бас иеді ұл мен қыз.

Болашағы Отанның,

Азаматы біздерміз.

Тәрбиеші: Жарайсыңдар балалар !Балалар бүгінгі сабағымыздың тақырыбы «Менің сүйікті балабақшам!» деп аталады. Балабақша- бұл біздің екінші үйіміз. Біз таңертең балабақшаға келіп күні бойы осы жерде тәлім-тәрбие аламыз, ойыншықтар ойнаймыз, тамақтанамыз, сондықтанда балабақшаны екінші үйіміз деп айта аламыз, солай ғой балалар! Ендеше балалар барлығымыз бір-бірімізге, қонақтар мен ұстаздарға жақсы көңіл-күй сыйлайықшы. Қане шаттық шеңберін құрайық.

Балалар:

Еліміз тыныш болсын,

Отбасымыз аман болсын.

Дастарханнан дәм кетпесін,

Көңілімізден сән кетпесін.

Тәрбиеші: Рахмет жарайсыңдар. Балалар, сендер күнде қайда келесіңдер?

Балалар: Біз балабақшаға келеміз.

Тәрбиеші: Ертеңгісін балабақшаға келгенде достарымызға не дейміз?

Балалар: Қайырлы таң!

Тәрбиеші: Жарайсыңдар балалар. Балабақшада сендер не істейсіңдер?

Балалар: Балабақшада біз білім аламыз, тәтті тағамдар жейміз, ойыншықтар ойнаймыз.

Тәрбиеші: Жарайсыңдар балалар. Ендеше сүйікті балабақшамыз туралы қонақтарға тақпақ айтып берейік.

Шахмир:

Жауқазындай балабақшам бар,

Деп мақтанам бәріне.

Меңгерушісі балабақшамның.

Көріктіде сәндіде,

Шаршамаңыз Саматовна,

Бізге тәлім беруде!

Нурмухаммад:

Әдіскері бақшамның ,

Жайдары жүз, ай қабақ.

Сайпиева ханымымыз,

Жүреді бізді аймалап.

Мухаммаджан:

Бала бақша есігін,

Сәби болып ашқанбыз.

Балапандай өсірген,

Тәрбиешіме мың алғыс.

Диана:

Тыңдауышы мойнында,

Өлшеуіші қолында.

Ақ халатты дәрігер,

Әр қашан өз орнында.

Фарангиз:

Бала, бала, баламыз,

Бақшамызға барамыз.

Олға, солғаны үйреткен,

Спортшымызға мың алғыс.

Ислам:

Аспазшымыз ақ жүзді,

Келбетті де, мейірімді.

Бізге тамақ әзірлер,

Тамақтары тәп-тәтті.

Элер:

Еденді кім жуатын,

Жолатпай шаңды қуатын.

Тазалықшыға мың алғыс,

Көрінбей жүріп тұратын.

Шахзода:

Бұл екінші үйіміз,

Бір туғанбыз бәріміз.

Біз осы үйдің гүліміз,

Біз осы үйдің сәніміз.