Менің болашақ мамандығым тәрбие сағаты, 10 сынып

Қостанай ауданы әкімдігінің білім бөлімі

«Қостомар ауылының орта мектебі» ММ

Дөңгелек үстел

Тақырыбы: «Менің болашақ

мамандығым»

(10 сынып оқушыларын арналған)

Тақырыбы: «Менің болашақ мамандығым»

Мақсат: Оқушыларға мамандық таңдауда олардың негізгі түрлері, классификасиясы белгілері, мамандық тобы, таңдау әдістері туралы білімдерін, түсініктерін кеңейте отырып, мамандықтарға деген ынта – ықыласын, қызығушылықтарын арттыру.

Міндеттері: - кәсіптік мамандық таңдаудың негізгі типтері мен факторлары туалы түсінік беру, - кәсіптік мамандықтарға деген ынта – ықыласын, қызығушылықтарын анықтау - кәсіптік бағдар беру.

Көрнекілік: интерактивтік тақта, әдістеменің жауап парақтары, жағымды әуен, карточкалар, постер, видеоролик

Кіріспе сөз: Құрметті оқушылар! Мына жазылған сөздерді оқып, өз ойларыңды айтыңдаршы. - Атақты ғұлама Әл – Фараби: Ісім оңсын десеңіз, Сол істің маманы болыңыз. Даңқым шықсын десеңіз, Көпшіліктің адамы болыңыз. Мамандық таңдау жасөспірім шақтағы ең маңызды шешімдердің бірі. Үлкен өмірге енді ғана аяқ басқан жас ұланның алдында мыңдаған өзіне лайықты біреуін таңдау міндеті тұрады. Мамандықтың жаманы жоқ, бірақ мұның кез – келгеніне икемділік қажет, бұл жай күнелту, тамақ асыраудың жолы ғана емес, үлкен өнерді, зор шеберлікті қажет ететін нәрсе. Кейбір жастар мамандық таңдау ережесін білмегендіктен өзі қызықпайтын мамандықты таңдайды. Осыдан өз мамандығына қанағаттанбаушылық, реніш сезімдері болып, тіпті алдарына жоспар да құрғысы келмейді. Әрбір адам өзін – өзі дамыта алу үшін білі м алып, сол біліміне сай мамандыққа машықтану керек.

Бір-бірімізді жақсы тани аламыз ба? Барлық қатысушылар ақ қағазды алып одан ұшақ жасап, сол ұшаққа бір бірлеріне деген тілектерін, армандарын жазып бір бұрышқа қарай ұшырады. Әр топтан бір оқушыдан шығып, кімнің жазғанын табады.

Біз сендермен кәсіптік мамандық таңдағанда ең маңызды болып табылатын шарттарды таңдап көрейік. 1. Ақша: мамандық материалдық жағынан жақсы болу керек. 2. Өзін таңдаған мамандықты жақсы көру. 3. Диплом: алдымен диплом алсам болды, профессия артынан табылады. Осы көз қарастарды ұстанған оқушылар, таңдаған көзқарастары бойынша топтарға бөлініп отырып, өз таңдауларын қорғау қажет.

Сауалнама

1. 1. Сіздің мектептік орыс тілін меңгеру деңгейіңіз үштілдік білім беру бағдарламасы бойынша жоғары оқу орнында білім алу үшін жеткілікті ме?

Иә Жоқ Жауап беруге қиналамын

2. 2. Сіздің мектептік ағылшын тілін меңгеру деңгейіңіз үштілдік білім беру бағдарламасы бойынша жоғары оқу орнында білім алу үшін жеткілікті ме?

Иә Жоқ Жауап беруге қиналамын

3. 3. Сіз үш (қазақ, орыс және ағылшын) тілді меңгеру тұлғалық және кәсіптік өзін-өзі жүзеге асыруға мүмкіндік туғызады деген пікірмен келісесіз бе?

Иә Жоқ Жауап беруге қиналамын

4. 4. Сіз болашақ кәсіптік қызметіңіздің табысты болуы үш (қазақ, орыс және ағылшын) тілді меңгеруіңізге айтарлықтай байланысты деген пікірмен келісесіз бе?

Иә Жоқ Жауап беруге қиналамын

5. 5. Сіз пәндер үш (қазақ, орыс және ағылшын) тілде оқытылатын үштілдік білім беру бағдарламасы бойынша оқуға дайынсыз ба?

Иә Жоқ Жауап беруге қиналамын

«Білеміз бе?»

Мына мамандықтардың қайсысынан хабарымыз бар

І топқа Қазіргі уақытта жойылып кеткен мамандықтар ІІ топқа ХХ ғасырда пайда болған мамандықтар ІІІ топқа Соңғы 10 жылдықта пайда болған мамандықтарды Білетін, естіген, көрген мамандықтарымызды теріп жазамыз және дәлелдейміз/постермен жұмыс/