Менің болашақ мамандығым 9-сынып тәрбие сағаты

Ісім оңсын десеңіз, Сол істің маманы болыңыз.

Даңқым шықсын десеңіз, Көпшіліктің адамы болыңыз.

Атақты ғұлама Әл – Фараби

Тақырыбы: Менің болашақ мамандығым. Оны қалай елестетесіз?

Бағыты: Еңбек, экономикалық және экологиялық тәрбие

Мақсаты: Білім алушылардың мамандық таңдауына бағыт бағдар беру. Ұлт жоспары – «100 нақты қадам» мен таныстыру. Ұлттық құңдылықтарды құрметтеуге үйрету.

Көрнекілігі: тақырыптық слайд, үш бөлімді түсіндірмелі күнделік, геометриялық фигуралар

Әдісі - тәсілдері: баяндау, сұрақ-жауап, психологиялық тест

Барысы:

І.Ұйымдастыру бөлімі:

Қызығушылықты ояту

Психологиялық дайындық

Сәлемдесу, білім алушылардың көңіл – күйімен бөлісіп, ынтымақтастық атмосферасын орнату.

Топқа бөлу:

геометриялық фигураларды таңдау арқылы топқа бөлу

Психологиялық сәт:

«Психогеометрия» - өзін-өзі тану. Оқушылар ұнатып таңдаған геометриялық фиугралардың мағынасын ашу. Әр фигура қандай да бір адам бойындағы қасиетті, қабілетті білдіреді. Әрқайсымыз өзімізді танып көрелік.

Квадрат. Сенде төзімділік, шыдамдылық, еңбекқорлық дамыған. Өз айналаңы адамдарды жианап ұйымдастыру, реттеу, және жүйелеу қабілетің баршылық. Сенен үздік администратор шығады, бірақ саған өзіңінің кәсіптік мамандығыңды менеджментпен байланыстырауға ұсыныс айтамын.

Шеңбер. Сенде адамгершілік қасиет жоғары дамыған. Сен өз әріптесіңді тыңдай аласың және оның қайғысы мен қуанышын бірге бөлісесің, басқаның ауыртпалығына жәрдемдесу қабілетің жоғары қалыптасқан. Саған жеке адамдар арасындағы кикілжіңдер тән емес.Олардан бойыңды аулақ ұстайсың , сенен үздік психолог шығуы мүмкін.

Үшбұрыш. Саған басқарушылық қасиет тән.Өз көздеген мақсатыңа қол жеткізуге барлық мүмкіншілігіңді жасайсың. Өзіңе сенімдісің және жетістікке, жетістіктерге, ұтыстарға оңай қол жеткізесің. Айтқаныңнан шықпайсың. Сен қоғамда, өмірде жоғары көтерілуге бейімділігің бар.

ІІ.Негізгі бөлім:

«Миға шабуыл»-ой қозғау:

Мамандық дегеніміз не? (Кластер әдісі арқылы)

Сүйікті іс Еңбек көзі Кәсіп

Мамандық

Шығармашылық Қызығушылық

Кіріспе: Әлемде 40 мыңға жуық әр түрлі мамандықтар бар. Статистердің зерттеуі бойынша, жыл сайын 25 млн адам жұмыс орыны ауыстырады екен. «Профессия»-латын тілінен аударғанда «professio» анықталған іс, мамандық деген мағынаны білдіреді.Мамандық –қарапайым өмір сүру көзі болып табылатын және қандай да бір дайындықты, жауапкершілікті талап ететін еңбек қызметінің маңызды бөлігі. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Сондай-ақ өз мамандығының 10-20 жылға дейін сұранысын жоғалтпауына көңіл бөледі.Өзінің сұранысын, қызығушылығын жоймаған кең тараған мамандықтарға-дәрігер, мұғалім және құрылысшы мамандықтарын атауға болады. Ал, өзекті мамандықтар қатарына телекоммуникация, әлеуметтік орта, экономиканы басқару, мамандықтары және еңбек сұраныстарына қажетті мамандықтар жатады. Алайда, өз мамандықтарын таңдауда мақсатқа жету әр адамның еркіне, өмірге құштарлығына байланысты. Олай болса, бүгінгі мектеп түлектерінен «Қандай мамандық иесі болғыңыз келеді» деген сауалнамамызға жауап іздеп көрелік.

Топтық тапсырма