Менің мамандығым – менің дұрыс таңдауым эссе үлгісі

Менің мамандығым – менің дұрыс таңдауым! (Эссе)

Ұстаздық — ұлық емес, ұлы қызмет.

Бауыржан Момышұлы

Ұстаз… Қандай қасиетті сөз! Әр адамның жүрегіне ерекше жылулық нұрын себетін аяулы тұлға бейнесімен өзектес ұғым. Ұстаздық еткен жалықпас, үйретуден балаға деп ұлы Абай атамыз айтқандай, осындай қастерлі мамандықтың иесі болғанымды мақтанышпен айтамын. Ұстаз ол балаға тәрбие мен қатар білім беруші, бағыт – бағдар беруші. Адам баласының жүрегінде қадір тұтып, құрметтейтін екі ұғым болса, соның бірі- Ұстаз. «Ұстаздан тәрбие алған» немесе «ұстаз алдын көрген» деген сөздер құлаққа «ана тәрбиесін алған» деген сөздермен ұштасып жатады Менің ойымша, кез - келген педагог үнемі жаңалыққа ұмтылып, ізденіс үстінде болып, мақсаты жоғары болуы керек. Себебі, ұстаздық өнер – тағылымы терең өнер. Ал өнерлі болу кез- келген адамға қона бермейді. Олай болса, шын ұстаз болу үшін табиғи дарын, ізгілікті ізденіс пен ерен еңбекке ұштастырылуы шарт.

Қосымша білім беру орталықтарындағы негізгі мәселелердің бірі-шығармашыл тұлғаны дамыту және қалыптастыру. Үйірмеге қатысатын оқушылардың барлығы дерлік дарынды оқушылар. Себебі, олар өздерінің сүйікті ісімен айналысады. Сол себепті қосымша білім беру орталығындағы педагогтар әр баланың бойынан жақсылықтарын тауып, бұлақ көзін аша білсе, сол мұғалімнің мақсатының бір бөлігі орындалғаны. Қосымша білім беру педагогінің үздіксіз білім беру жүйесінде алатын орны ерекше. Өмірдегі көп мамандықтардың ішінде жан – жақты білімділікті, икемділікті, шеберлікті, мейірімділікті қажет ететін мамандық. Менің ұғымымда, алдымыздағы әрбір бала қайталанбас бір ғажайып әлем десек, сол зерттелмеген таза құпияға терең үңіліп, баланың басқаға ұқсамайтын ерекше қасиеттерін тану, оның жүрегіне, жан дүниесіне жол таба білу – біздердің, педагогтардың бұлжытпас борышымыз.

Дарынды жастарымыз қосымша өнер орталықтары арқылы өмірге жолдама алады. Қосымша білім беруді еш уақытта отбасынан, қоғамнан бөліп алуға болмас. Сондықтан оның іс-әрекеті отбасымен, жұртшылықпен тығыз байланысты. Міне, қосымша білімнің үлкен тәрбиелік қызметі осында.Қосымша білім беру арқылы тәрбиеге байланысты қоғамдық күштерді ұйымдастыруға және біріктіруге болады. Ол ішкі тәрбие процесін атқарып қана қоймайды, оқушылармен жүргізілетін тәрбие жұмысының мақсатқа бағыттылығын қамтамасыз етеді. Осы…