Менің мамандығым тақырыбындағы 6 сынып тәрбие сағаты

«Бейсембай Сахариев атындағы Бақты орта мектеп-бақша»КММ

Мектептің көркем еңбек пәні мұғалімі Қойлыбаев Қ.К

«Мен және менің мамандығым »

Мамандықты дұрыс таңдай білу – әр адамның өмірдегі ең маңызды шешімі . « Педагог болу үшін оған әуел бастан бейімделіп туу керек.» дейді ертедегі педагогтар . Бірақ ешкім педагог болып туылмайды, ол үшін қабілет , ниет қажет екені даусыз.Соның ішінде педагогтарға тән қасиеттердің ішінен, оның өз еркіне ие болып, ұстамды келуі ерекше орын алады.Бала үшін психологтың орны ерекше . Басқа адамдардың айтқан сөзінен қарағанда психологтың айтқан сөзінің әсері өте күшті болады . Бәрін үйренуге талпынған бала оны заң сияқты қабылдайды.Сондықтан психолог әр айтқан сөзіне жауапкершілікпен қарауға міндетті.Психолог болудың қиындығы да осында . Біздің жұмысымызда нақты алға қойып отырған мақсатымыз әрбір оқушының жеке адамдық қасиеттерін жан-жақты жүйелі зерттей отырып, оның дамуына қолайлы жағдай туғызу . Психолог – жеке бастың үлгісі . Өйткені , өз шәкірттерін білімге ғана баурап қоймай, оларға өзін-өзі ұстауы , жүріс-тұрысы, киінуі, сөйлеуі жағынан да ықпал етеді.

Мейірімге толсын бар құшақ,

Жақсы істер жайып желісін.

Ұрпақты дұрыс баулысақ,

Тәрбие берер жемісін...

Шынында да, ұрпақты дұрыс баулу – ата – ананың, мектептің, қоғамдық ұйымдардың ынтымақты ісінің нәтижесінде жүзеге асатынын біз жақсы білуге тиіспіз. Мектеп – мемлекеттің келешегін даярлайтын білім мен тәрбие орталығы, ал осы орталықта әр шәкірттің жүрегіне жол табуға ұмтылып, олардың жан дүниесіне қырағы көзбен қарап, оң бағыт – бағдар беріп отыратын жандар – мектеп психологы десем қателеспеген болар едім. Елбасымыз халыққа Жолдауында адам капиталын, адами ресурстарды дамыту керектігін баса айтып, психология мамандығының мәртебесін көтеруге қолдау көрсетті. Өйткені, психология ғылымы – адамтану жайындағы пәндердің арасындағы жетекші ғылым. Сондықтан, Қазақстанның болашағы – жас ұрпақ десек, олардың ең алаңсыз жеке тұлға болып қалыптасуы үшін менің де психолог – маман ретіндегі өз қолтаңбам болуы керек деп ойлаймын.

Мен өзімнің адамның жан дүниесін зерттейтін ғажайып мамандығым арқылы – жабырқаған көңілге қуаныш сыйлаймын, мазасызданып, қорқынышқа тап болса, болашағына сеніммен қарауға жетелеймін. Баланың ақылы, ой – сезімі мұғалімнің ерік – жігері, мол сабыры…