Менің мамандығым туралы психологиялық эссе

«Мен және менің мамандығым»

Эссе

Адамдық ғұмырдың мәні мен мағынасы екі-ақ нәрсеге тірелері шындық. Оның бірі-«бар мен жоқтың жоқтың арасын өмір деп атапты» деп Шәкәрім айтапақшы, саналы ғұмырға сай мағыналы өмір сүру. Екіншісі- сол саналы ғұмырда көрген-түйген, алған-білген, әйтеуір, өмір үйреткен қадір-қасиетті өзгеге бере білу. Алғашқысы жалпы адам баласына тән десек, екіншісі кез-келген пенденің басына бере бермес айрықша қасиет. Оның қадірлі де қастерлі аты-баланың өзін-өзі танып білуге көмектесуші адам. Бала жанын ұғатын, жанашыр, үлгі өнеге болар тұлға. Баланың болашағына сеніп, мүмкіндігін арттыру жолын білетін, мақсатқа жету құпиясын ашуға көмектесетін жетекші дегім келеді. Психолог мамандығын таңдаған адамға жұмысқа ақша табу үшін, не басқа жұмыстың реті болмағасын амал жоқ-мектепке психолог болып, қалай болса солай қарым-қатынас жасауға мүлдем болмайды. Өз мамандығыңды сүйсең, сен қайткен күнде де сол жұмысты сапалы, шығармашылықпен нәтижелі орындап, білмеген сауалдарға өзің ізденіп жауап табуға талпынасың.

Психологтар «Әр бала –бір жұлдыз, жарқырауына көмектес!» қағидасын ұстанып жұмыс жасау керек. Жеке тұлғаны тәрбиелеудегі білім бастауының тұнба-тұнығы-ұстаз құдіретіні жемісі. Сондықтан болар әу бастан сусындаған білім нәрі өмір бойы есте қалады. Дегенмен, оның мәңгіллікке ұштастырылуы ең алдымен, сауаттылығы, адами қадір-қасиеті байланысты екені даусыз. Ал одан арғысы өзіңе қатысы. Өзің демекші, өзім туралы ой толғасам.........

Мектеп табалдырығын алғаш аттағанда жүзінен мейірім төгіліп қарсы алған ұстазыма еліктеп «шіркін, мен де осындай ұстаз болсам...» деген арман бала кезден жүрек түпкірінен орын алған болатын. Сол арман жетегіне ерте отырып, Х. Досмұхамедов атындағы Атырау университетіне әкелд і. Аталмыш оқу орнын бітіріп, психолог мамандығымен құдай қосқан серігімнің туған жеріне Сағыз ауылының № 9 орта мектебінде алғаш еңбек жолымды бастадым. Содан бермен қарай мектеп, шәкірт, оқушы, ұстаз деген ұғымдар санамнан өшпеспей орын алып, бірге жасасып, біте қайнасып келеді. Ұжымымдағы әріптеке деген құрмет пен ізет секілді ізгі қасиеттер менің ұстаздар ұжымына тез сіңіп кетуіме септігін тигізді.