Менің ұстаздық мамандығым туралы эссе

№15 орта мектеп

Эссе

«Менің педагогикалық мамандығым»

Дайындаған:Cейтмаганбетова Т.

2018 жыл

«Менің педагогикалық мамандығым-4»

Қазір бой жарыстыратын заман емес,

ой жарыстыратын заман.

Нұрсұлтан Әбішұлы Назарбаев

Ұстаз... Бұл сөз «Ана» сөзі іспеттес, әр адамның жүрегінің бір түкпірінде қоныстанғаны сөзсіз. Адам, мейлі ол жас бала болсын, мейлі ақсақалды ата болсын, бұл сөзді естігенде өзін оқытқан ұстазын еске алады. Сол естеліктің жарқын болуы, нұрлы шуағымен өмірінің әр күнін әрлендіріп тұруы ұстазға байланысты. «Ұстаз» деген –қасиетті сөз.Ол шәкірт жүрегіне жол табатын,оның жан-жақты дамыған жеке тұлға болып қалыптасуына жауап беретін жан. «.Ұлылықтың басында ұстаз тұрар»-деп дана халқымыз айтқандай,жас ұрпақты тәрбиелеуші ұстаздың болашақ алдындағы міндеті мен борышы өте үлкен.

ХХI ғасырда жаңа технологиялар көз ілеспес жылдамдықпен дамып жатқанда, оқушыларымыз да сол технологияларды үздік игерген,заман талабына сай шәкірттерге білім беруіміз керек. Сондықтан да мұғалім мамандығына талап жоғары.Әр адам үкілеп, әлпештеп өсірген ұл мен қызын мектепке жетектеп әкеліп, мұғалімге зор сенім артады. Ата-аналардың үкілеген үміттеріне үлкен жауапкершілікпен қарау – менің борышым.

Ұстаз болу- бұл жүректің қалауы. Мен үшін ұстаз болудың мәні – мені қоршаған адамдармен, оқушылар, әріптестер, ата-аналармен, жүрек жылуымен , жан тазалығымен бөлісу. Мұғалім оқушыларға сапалы білім беру үшін өз пәнін жетік меңгеріп қана қоймай, сонымен қатар, сол білімді оқушылардың жетік меңгеруіне көмектесуі қажет. Қазіргі заманның ұстазы ізденімпаз, жаңашыл әдістерді тәжірибесіне енгізуге қорықпайтын, еңбекқор болып қана қоймай, адамгершілігі мол , ұстаздық этикалық және моральдық құндылықтарды ұстануы қажет деп есептеймін. Сол себептен менің өмірлік ұстанымым Ахмет Байтұрсынов айтқандай «Ұстаз үздіксіз ізденгенде ғана шәкірт жанына нұр құя алады». Мұғалім өзі әр уақытта ізденісте болғанда ғана оқушыларға тыңғылықты білім беретінін білемін . Сол себепті өзгеден үйрену, білетін ақпаратты өзгемен бөлісу, ақылдасу, білмегеніңді сұрау, ғаламтордан сұрақтарға жауап іздеу әр мұғалімнің үйреншікті дүниесіне айналуы тиіс. Қазіргі жаһандану заманында кез келген ақпаратты ғаламтордан табуға болады, бірақ баланы оқыту шеберлігі тек тәжірибемен ғана келеді деп есептеймін. Өзім ұстаз болсамда өзгелермен пікір алысуды ұнатамын, басқа…