Менің мамандығым және тәжірибем туралы эссе

Менің мамандығым тәжірибем

Әр мамандықтың өз қиындығы, өз қызығы бар. Менің мамандығым тәрбиеші. Менің жұмыс тәжірибем жеті жыл. Тәрбиеші оңай мамандық емес, себебі сен алдындағы жиырма бала, жиырма әлем секілді. Балалар әртүрлі болады, бірі ерке, бірі момын болады. Сол балалардың өміріне ғана емес, келешек еліміздің болашағына жауап бересің. Келешегіміз осы балалар болған соң, балаларды тәрбиелеуде көптеген жауапкершілік ата-анамен қатар тәрбиешігеде жүктеледі. Балаларға үлгі болу, тәлім-тәрбие беру, ақыл-кеңес беру, көп нәрсені үйрету біздің парызымыз. Балаларға тәрбиешіден қамқорлық пен сүйіспеншілік, мейірімділік керек. Тәрбиеші олардың екінші анасындай, көп уақытын тәрбиешілермен өткізеді. Балаларға ата-анадан кейін тәрбиешілер жақын, себебі жоқ дегенде он сағат сол тәрбиешілермен өткізеді. Менің ойымша көзі ашық, көкірегі ояу ұрпақ тәрбиелеу балабақшадан басталады. Балалардың білімге қызығушылығы балабақшадан басталады. Өз жұмыс тәжірибемде көп балалардың тіл мүкістігімен шұғылданып келемін. Көптеген балалардың сөйлеуі жай дамуда, ондай балаларға тіл жаттығуларын және дыбысты қайталау жаттығулар жасатып көптеген нәтижие көрудеміз. Қазіргі кезде заманауи технологиялар, жаңа әдіс-тәсілдер көбейіп жатыр.

Балабақшада балалармен көптеген жұмыстар жүргізіледі. Балаларды дамытушы ойындарды ойнату арқылы дамыту. Балаларды негізгі дамытқыш ойындар арқылы:

-баланың қабылдау жүйесін дамыту

-есте сақтау қабілетін дамыту (көру, есту, сипап-ссезу, т.б.). Арнайы және арнайы емес.

-ойлау қабілетін арттыру (өз еркімен ойлау қабілеті, өз шығармашылық қасиетін көрсету, қиындықтарды оңай жеңу, салыстыру, жалпылап және талдай білу қасиеті

- қиялдау қабілетін дамыту: жұмбақтарды шеше және таңғажайып бейнелерді ойлап таба білу.

-қолдың және саусақтардың бұлшық етін және денсаулықты дамыту.

-ойын арқылы танымдылық пен қызығушылықты ояту.

-еңбекқорлыққа тәрбиелеу.

Дамытушы ойын: бұл бала үшін ой иелігінен өткен құбылыс, оған бала өз еркімен ойынға қатысып, жаңа тәжірибе алмасып, одан алған білімі оның жеке байлығы болады, сондықтан оны басқа жағдайларда қолдана алады. Балалар балабақшадан бастап дамиды, олардың жақсы жақтарын ашу біздің міндетіміз.