Менің өмірімнің құндылықтары ашық сабағы, 10 сынып

Менің өмірімнің құндылықтары

Сабақтың тақырыбы: Менің өмірімнің құндылықтары

Сабақтың мақсаты: Өмір құндылықтарының мәнін ашу арқылы өмірінің сипаты мен тірлігі туралы ұғымдаррын кеңейту.

Өмірден өзіндік орнын өмірлік бағдарын айқындай алуға баулу,

Өзіндік ойлау, пайымдай алу, шешім қабылдай білуге тәрбиелеу.

Сабақтың әдіс-тәсіл: сұрақ-жауап, ойын

Сабақтың көрнекілігі: нақыл сөздер, плакат, үлестірме қағаздар.

Сабақтың барысы:

Ұйымдастыру кезеңі :

Сәлемдесу жаттығуы: Қалың қалай құрбым ?

Мұғалімнің нұсқауы бойынша иықпен, көзбен, қолмен, арқамен, баспен, аяқпен ,саусақпен амандасады.

Амансыз ба, қонақтар, (иіледі)

Амансыз ба, әлем (қолдарын көтереді)

Баршаңызға амандық сәлем! (қол бұлғайды)

Мұғалім сабақтың тақырыбын, мақсатын хабарлап айтады.

Шығармашылық жұмыс:

Парталарыңыздың үстіндегі екі парақ қағаздың біріне адам өміріндегі жаман оқиғаларды жазыңдар. Екінші параққа адам өміріндегі жақсы оқиғаларды жазыңдар.

Жазып болсақ, жаман іс-әрекетті жазған қағаздарыңызды бүктеп қойыңыз. Ал жақсы іс-әрекетті кім оқығысы келеді?

Жаман оқиғалар жазған парақтарды жыртып тастайық.

Қыздыру жаттығуы: «Би билеу» оқушылар шеңбер бойымен айналып тұрады.Бір-біріне қарап би қимылдарын жасайды. Мұғалімнің нұсқауы бойынша иықпен, шынтақпен, құлақпен,баспен, алақанымен аяқпен белмен,т.б.

Кіріспе әңгіме

Өмірдің мәні туралы ойланбайтын адам бар ма? Деген сұраққа кім болса да жоқ өз өмірінің мәні туралы ойланбайтын толғанбайтын мағыналы өмір сүруге әрекет етуге тырыспайтын адам болмайды-деп жауап беретін болар. Олай болса, біз де бір уақыт өз өміріміздің мәні туралы ойлармызды ортаға салып қөрейік.

Өмірдің мәні туралы айтқанда, біз оралмай кете алмайтын бір ұғым бар. Ол –бақыт . Өмірдің мәні оны бақытты етіп өткізуде деген тұжырымның кез келген адамға түсінікті әрі жылы естілетіні содан болса керек.

Қазақ халқы өмірді ағып жатқан өзенге теңейді. Өйткені өмір өзен тәрізді тоқтаусыз, ешкімге білдірмей өтіп жатады. Сол өзен агынында кейбір жан өз арнасын тауып жатса, енді біреулері бастарын тасқа, жарға да, ұрып өз жолын таба алмай жатады.

Пікірлесейік, әңгімелесейік.

· Өмір, өмір сүру дегенді қалай түсінесіңдер?

· Бақыт дегеніміз не?

· Бақытты болу дегенді қалай түсінесіңдер?

· Бақытқа жету үшін адам не істеу керек?