Менің орным қайда сабақ жоспары 1 сынып

Сынып:1

Пән:Қызықты математика

Сабақтың тақырыбы: «Менің орным қайда?»

Мақсаты:

1.Білімділік: Санның құрамын қайталау, ойын арқылы алған білімдерін бекіту.

2.Дамытушылық: Математикаға деген қызығушылықтарын арттыру, балалардың логикалық қабілетін дамыту.

3.Тәрбиелілік: Балаларды үлкенді сыйлауға, тілін алуға тәрбиелеу.

Сабақтың барысы

І.Ұйымдастыру бөлімі.

Шаттық шеңберін құрып, астында көрсетілген өлең жолдарын айтқызу.

Күліп ,ойнап өсеміз,

Он саусақтың саласындай.

Күліп ,ойнап өсеміз,

Бір адамның баласындай.

ІІ. Негізгі бөлім

1.Ойлан тап.

1.Аулада бес мысық ойнап жүр. Олардың екеуі қашып кетті. Сонда аулада неше мысық қалды?

2. Кеседе 8 өрік бар. Айдос 2 өрікті жеді. Қанша қалды?

3. Бақшада 6 раушангүл мен 3 түймедағы өсіп тұр. Барлығы неше гүл өсіп тұр?

4. Сыныпта 5 шкаф, және одан екеуі кем терезе бар. Сыныпта неше терезе бар?

5. Үстіңгі сөреде 4 кітап, ал астыңғы сөреде 3 кітап артық. Астыңғы сөреде неше кітап?

6. Қорада бірнеше күрек болды. 3 күректі алғанда, 5 күрек қалды. Қорада неше күрек болып еді?

7. Данашта 2 қарындаш болды. Толқын Данашқа 2 қарындаш берді, Айгүл 3 қарындаш берді. Данашта неше қарындаш болды?

8. Құмырада 10 қызғалдақ пен 5 сарғалдақ бар. Қай гүл көп және қаншаға көп?

2. «Көршіңді тап» ойыны.

Сандарды тура және кері санайды.

Үлкен көршім оң жақта,

Кіші көршім сол жақта,

Тұрушы еді қасымда,

Қайда кеткен жан – жаққа?

( Сандар орындарын тауып орналасады )

3. Достарға кубиктің қырларын бояуға жәрдем беріңдер.

1 2 3 4 5 6 Сандарға байланысты әр түрлі түспен бояйды.

Қорытынды: 4.«Бұл үйде не тұрады?» ойыны.

1,2,3,4,5 сандарының құрамы

Мадақтау сөздер: Жарайсыңдар! Сабаққа жақсы қатыстыңдар.

Бағалау: Оқушылар өздері жасаған бет-бейнелеріне қарап, бір-біріне көңіл- күйлерін айтады (қуанышты, көңілді, көңілсіз, ашулы).