Менің отбасым – менің қорғаным тәрбиелік ойындары

Тақырыбы: «Менің отбасым-менің қорғаным» тренинг

Мақсаты:Оқушыларға отбасы туралы мағлұмат бере отырып отбасын құрметтеуге ,мақтан етуге ,ата-анасын сыйлауға ,кішіге қамқор,тату болуға тәрбиелеу.

1.Есімдер аллитерациясы

Мақсаты:тренингке қатысушы оқушылармен жағымды қарым-қатынас орнату және танысу.

Шарты:Әр оқушы өз отбасындағы өзі жақсы көретін адамын айта отырып,оның бір еркелеткен сөзін өз есіміне қосып айту.Мысалы:мен отбасымда анамды жақсы көремін.Мен анамның ерке қызы Жайнагүлмін.

2. «Қуанышты отбасы» тыныштық сәті

Мұғалім:Ыңғайланып отырыңыздар ,денелеріңізді түзу ұстаңыздар.Аяқ қолыңызды айқастырмаңыз.Қолыңызды тізеңізге немесе үстелге қоюға болады.Көздеріңізді жұмуларыңызды өтінемін.Енді көз алдарыңызға өз отбасыларыңыздың қуанышты сәтін елестетіңіз.Сол қуанышты сәтте сіздердің қолдарыңызда өте әдемі айна бар.Абайлаңыз ,абайсыз қимыл,асығыстық бұл әсемдікті бүлдіруі мүмкін.Отбасы арасындағы бауырмалдық ,сыйластық,қарым-қатынас осындай жұқа әрі нәзік.Олар қамқорлықты ,сүйіспеншілік пен түсіністікті ,мейірімділікті,бауырмалдылықты талап етеді.Сынған айнаны қалпына келтіру өте қиын ,тіпті мүмкінемес.Сондықтан отбасыңыздағы адамдарға мейірімділікпен ,байыппен,сабырмен қарап,көңілдерін қалдырмауға тырысуыңыз қажет.Отбасыңызды әрдайым мақтан тұтып,өткен қуанышты сәттеріңізді естен шығармаңыз.Сіздің балалық бақытыңыз өзіңізбен әрқашан бірге болсын.Осындай қуанышты және тыныштық күйінде отыра тұрыңыз.Енді осы қуанышты сәтіңізді жүрегіңізге орналастырыңыз.Қуанышқа толы бүкіл әлем сіздің жүрегіңізде.Оны осындай әсем қалыпта сақтаңыз.Жаймен көзіңізді ашуға болады.

3.Миға шабуыл өз бетімен жұмыс

1-топ-«Отбасы құнддылықтары» мағынасын ашу

2-топ-«Отбасы қарым-қатынасы» мағынасын ашу

3-топ-«Отбасылық мерекелер»мағынасын ашу

4. «Қасиеттер жиыны»ойыны

Мысалы Жүргізуші «Ә»әрпін айтады,ойыншы бойындағы «ә»әрпінен басталатын қасиетті айтады.Ойыншы «Әдемі»

5. «Мен отбасымды мақтан етемін»оқушалар шығармашылығы

Шарты :оқушыларға сөздер жазылған карточкаларды үлестіре отырып,сол сөздерді қолданып шағын эссе немесе тақпақ шығаруларын өтінеміз.

Қолданылатын сөздер: «Отбасым», «Менің жанұям», «Менің анам», «Менің әкем».Мысалы: менің жанұям.

Отбасы таусылмайтын бақыт екен

Ешқашан ескірмейтін жақұт екен

Қашанда тату тұрған адам болса

Ағайын,мұның өзі бақыт екен

6. «Тілек шамы» оқушылар тілегі

Біз сіздермен жанұядағы ата-анамен балалар арасындағы қарым-қатынастың түрлі жақтарын тануға,жан жақты талқылауға тырысайық.Отбасы,ұшқан ұя-жылылықтың ,жылулықтың мекені. «Отбасы»атауының мәніне терең үңілер болсақ ,оттың да үлкен маңызы бар екенін сеземіз.Сондықтан оттың басы,ошағымыздың түтіні түзу болу үшін «Тілек шамы»жаттығуын бір-бірімізге тілек айта отырып жүргізейік.Бір-бірімізге мына шамды бере отырып бүгінгі кездесуден алған әсерлеріңізбен бөлісіп ,тренинг барысында айта алмай қалған ойларыңыз…