Менің отбасым тақырыбындағы ашық сабақ мектепалды топқа

№2 Шұбарқұдық қазақ-орыс орта мектебі.

Ашық сабақ

Тақырыбы: Менің отбасым.

Мектепалды даярлық

тобының тәрбиешісі:

Жұмағалиева А.Б.

2015-2016 оқу жылы.

Білім беру саласы: Қатынас.

Ұйымдастырылған оқу іс-әрекеті:Тіл дамыту.

Сабақтың тақырыбы: Менің отбасым.

Сабақтың мақсаты: Отбасы және отбасы мүшелері жайлы түсініктерін қалыптастыру. Отбасы мүшелері және отбасындағы сыйластық туралы әңгімелету арқылы есте сақтау қабілеттерін дамыту. Жанұядағы сыйластыққа, инабаттылыққа, адамгершілікке, жанұяның мақтанышы болуға тәрбиелеу. Үлкенге ізеттілік көрсетуге, кішіге қамқор болуға үйрету.

Көрнекі құралдар: Отбасы мүшелерінің сюжеттік суреттері. Слайд, плакаттар, шарлар, жүрекшелер.

Ұйымдастыру кезеңі: Қайырлы күн балалар! Мен сіздермен кездескеніме өте қуаныштымын. Көңіл-күйіміз қалай? Қане, бәріміз шеңбер бойына тұрып, бір-бірімізге жүрегімізден шыққан сүйіспеншілігімізді білдірейік. Бір-бірімізге күлімдеп қарап, бақыт, қуаныш, жылылық тілейік. Мысалы: Сен әдемісің, мейірімдісің, денің сау болсын, сен ақылдысың.

Балалар біз неге шеңбер бойына тұрып, сабақты бастадық? Шеңбер-бұл әлемдегі мейірімділік, жақсылық.

Балалар біз бүгін ғажайып әлем туралы сыр шертеміз. Қалай ойлайсыздар ол қандай әлем болуы мүмккін. Ол сіздер өскен шағын мемлекет, яғни жанұя бірлігі, отбасы мүшелері.

Балалар әркімнің өз үйі бар. Әркім өз үйін жақсы көреді, себебі ол сендердің туған үйлерің. Ол үй сендер үшін жайлы да жылы. Онда сендерді жақсы көретін адамдар тұрады.

Енді әр қайсысымыз өзіміз тұратын үйімізді, отбасымызды көз алдымызға елестетейік. Көздерімізді жұмайық. (баяу әуенді музыка ойнап тұрады) Енді көзімізід ашып, ойлаған ойларымызбен бөлісейік.

(слайд) Балалар отбасы әр адамның шағын ғана отаны. «Отабсы табиғат сыйлаған кереметтердің бірі», десек артық емес. Сондықтан да отбасы өте қажетті, басқадай ешнәрсемен өзгертуге (ауыстыруға) болмайтын баспалдақ. Отбасы – сыйластық, жарастық орнаған орта. Отбасы бала тәрбиесінің ең алғашқы ұжымы. Баланың тәрбиелі болып өсуіне берекелі отбасының әсері мол.

Әке, Ана, бала – бәрі бірігіп жанұяны құрайды. Оны жанұя деп атаймыз. Арқамызды тірет асқар тау – әкеміз, қорғаныш, сүйінішіміз болар анамыздан және сендер сияқты балалардан басқа жанұяда тағы кімдер болады?

Туыстар олар кімдер?

(Қарт ана, қарт әже, ата, әже, аға, іні, апа, қарындас т.б.)