Менің отбасым тақырыбында мектепалды сабақ материалы

Білім беру саласы: Коммуникация

Ұйымдастырылған оқу қызметі: Сөйлеуді дамыту

Тақырыбы: «Менің отбасым»

Мақсаты: Балаларға отбасы туралы түсінік беру,өз жанұясы туралы әңгімелеуге үйрету.Ойын арқылы есте сақтау қабілетін,қарым қатынас дағдыларын дамыту.Отбасына деген сүйіспеншілікке тәрбиелеу.

Әдіс- тәсілі:әңгімелесу,түсіндіру.

Қолданылатын көрнекіліктер:Слайд,отбасылық суреттер.

Сабақтың барысы:

Балалар мен шаттық шеңберіне тұрып,қонақтармен амандасу.

Тәрбиеші: Балалар бүгінгі күн ерекше күн бизге қонақтар келіпті,олай болса қонақтармен амандасайық.

Шаттық шеңбері:

Көтеріп шаңырақ,

Уақытары шаншылар

Керегелер керіліп,

Өрімдей боп қрілер

Бәріміз жүрсек айналып,

Киіз үй болып көрінер.

- Балалар,біз қандай заттың бейнесін жасадық?.

-Киіз үйдің

-Ал,киіз үйде кімдер тұрады?

-Ата-әжеміз,папа-мамаларымыз

- Оларды бір сөзбен қалай айтамыз?

-Отбасы

-Дұрыс айтасыңдар.Бүгінгі біздің оқу-қызметіміздің тақырыбы:Отбасы туралы болмақ.

- Балалар,айналамызға қарасақ көптеген үйлерді көреміз.

-Ол үйлерде кімдер тұрады деп ойлайсыңдар?

-Отбасылар.

-Ия,балалар ,барлық үйдің өз отбасы болады олар бір-бірімен тату-тәтті тұрады.

-Қане,балалар мен сендерге жұмбақ жасырайын,шешуін тауып көрйік.

Жұмбақ:Онсыз қызық жоқ маған,онсыз бақыт жоқ маған.

Ол әр баланың панасы,ол не екен, балалар? «отбасы»

-Міне балалар бұл жұмбақтың шешуі, отбасы екен

-Олай болса бәріміз тақтаға назар аударайықшы.

Бұл суретте кімдердің суретін көріп тұрсыңдар?

-Иә, бұл суретте сүйіспеншілігі мол, бір-біріне ыстық ықыласпен,аялы сезімен қарап отырған дастархан басындағы отбасы мүшелерін көріп отырмыз.

-Отбасы туралы әңгімелеу.

Ойын: «Мынау кім?»

Мақсаты: Балаларды тапқырлыққа,есте сақтау қабілетін дамытуға баулу.

Шарты: отбасы мүшелерін атау.

Сергіту жаттығуы:

Бас бармағым-атам

Балан үйрек-әжем

Ортан терек-әкем

Шылдыр шүмек-анам

Кішкене бөбек мен!

-Отбасы мүшелерін ата.

-Отбасында кімді жақсы көресің?

-Отбасында кімге сыйлық жасайсың?

-Анаңа қалай көмектесесің?

-Жарайсыңдар,балалар өте жақсы.

Ойын: «Неге теңейсін». Балаларға күннің,айдың,бұлттың,алманың,гүлдің суреттері таратылып беріледі.Балаларға «анаңды кімге теңейсің» деп сұрағанда қолдарындағы суреттің біреуін көтереді.Сол сияқты атасын,әкесін,ағасын т.б айтылады.

-Өте жақсы балалар.

Қорытынды:

-Біз бүгін өзімізге ең жақын,ең қымбат отбасымыз туралы әңгімеледік.

-Біз оларды жақсы көруді,сыйлауды,көмектесуді үйрендік.-Отбасы ең жақын адамдардың ошағы екенін білдік.

-Ойындар ойнадық.

-Бүгінгі сабаққа өте жақсы қатысып, сұрақтарға жауап бере біліңдер.

-Бәріміз бірге отбасымызға тілек сөздер айтып, бүгінгі сабағымызды аяқтаймыз.

№ 11 «Шағала» балабақшасы МКҚК