Менің педагогикалық ұстанымым туралы мақала және эссе

Менің педагогикалық ұстанымым: мәні, құндылықтары, басымдылықтары

Әрбір мектеп түлегі жаңа өмір жолын таңдау жасар алдында ұшқыр қиялдар мен тәтті армандарға бой алдыратыныңдай,мен де осындай армандар жетегінде жаңа өмір жолына жолдама алдым. Алдымда сан таңдаулар мен қорқыныштар болғанымен, жастық жалың мен балалық батылдылығым басымдылық танытып қиын да қызығы мол Ұстаздық мамандықты таңдадым.

Абай атамыз айтқандай «Сен де бір кірпіш дүниеде, тетігін тап та бар қалаң»демекші өмірдегі-қоғамдағы өз орнымды ұстаздық жолына арнадым. Ұстаздық -жүрек қалауынан бөлек, жеке жан-дүниенің байлығымен айқындалатың мамандық болып табылады. Шынайы сауатты әрі саналы ұрпақ тәрбиелеу үшін жоғары оқу орнындағы алған білім мен тәжербие жеткіліксіз, сонымен қатар,ұстаздық ету әр адамның жан қалауы да болуы шарт. Себебі ұрпақ тәрбиелеу-Ұлт тәрбиелеудің бастамасы екені анық.Әрбір ұстаз алдынан тәлім алған жас ұрпақ еліміздің әр саласының іргетасын қалайтын, әр салада қызмет ететін жастар екенін үнемі назарда ұстауымыз шарт.

Еліміздің болашағы-жастар. Білімді ұрпақ тәрбиелеу білікті, шебер ұстаздардың қолында. Ұстаз ғылыми ізденіс пен тәжірибені қатар ұстайтын іскер жан болуы керек.Әр ұстаздың алдынан өткен білімалушы тек жақсы маман ғана емес сонымен қатар жақсы Адам болуы шарт.

Сондықтан әр ұстаз өз саласында теориялық білім беріп қана қоймай, өз болмысымен, өзінің әрекетімен бала бойына жылулық, адамгершілік,адалдық секілді адами құндылықтардың үлгісі бола білуі шарт. Адамзат өркениетінің әрбір сатысына жоғарылауымен қатар ұстаздың алдына қойылатын міндет пен жауапкершіліктің жүгі ауырлай береді ,оны арқалау, орындау әр ұстаздан үлкен жауапкершілікті талап етеді. Бұл жай ғана жауапкершілік емес - Ұлт аманаты.

Ең алдымен ұстаздың өзі білімді, терең ойлай білетін, әр жағдаятты сын тұрғысынан пайымдай алатын, жүрегі кең, жауапкершілігі жоғары адам болуы қажет. Өзінің шәкірттерін заман талабына сай озық ойлы шәкірт деңгейіне жетелеу үшін теориялық, әдістемелік, психологиялық тұрғыда үздіксіз білімін жетілдіріп, дамып отыруы керек.

Заман талабына қарай білім алушылар әлемдік бәсекелестікке сай болуы үшін, әлемдік тәжербиеге негізделген білім мен дағды қалыптастыра білу қажет.