Менің құрдастарым тәрбие жұмысына арналған материал

Кіріспе сөз

Биыл көрнекті қазақ жазушысы Саттар Ерубаевтың туғанына 100 жыл толып отыр. Жазушы өмірі қысқа болғаны әдебиет сүйер қауымға белгілі.

Өйткені сөз еткелі отырған қазақтың аяулы ұлы, талапты тау суындай тасыған Саттар Ерубаев 23 жыл ғана ғұмыр кешіп, артына өлмес туынды жазып кеткен. Ол туындысы - «Менің құрдастарым» деп аталады.

Роман қазақ әдебиеті тарихында өзіндік тілі, ерекше мағына- мазмұнда бай шығарма ретінде аталып келеді.

Уақыттан мықты құдірет жоқ дегенімізбен, оның да қайраны жүрмейтін жандар болады екен. Сәл ойлана қараңыздаршы қыршын кеткендерге. Жаңа заманның жыл құсы болған Ғани Мұратбаевты, отаншылдық ұлы сезімді жастық жалынмен жарқырата түскен жас гвардияшыларда, ажалды жеңген Александр Матросов, Нұркен Әбдіров, Сұлтан Баймағамбетовтерді қан майдендада ер жетіп, жаңа ғана танып келе жатқан әдебиет гүлі -Саттар қыршын кетті. Мейірімсіз ажал оны жасында арамыздан жұлып кетті. Бірақ Саттар сұм өлімді «мәңгілік өмірімен» - творчестволық еңбекпен жеңді. С.Ерубаев 1914 жылы Оңтүстік Қазақстан облысы, Түркістан ауданының ауылында туған. 1921 жылы Саттарды 40 шақырым жердегі ауыл молдасына береді. Білім орнына таяққа душар болған Саттар бірнеше күннен кейін үйіне қашып келеді.

1923жылы Түркістан жеті жылдық мектебінде оқыды. Осы мектепте үш жыл оқығаннан кейін, 1926 жылы комсомол қатарына алуды өтінеді. Жасы толмағандықтан ақыры аяқсыз қалады. Бірақ комсомол қатарында болуды тілеген Саттар 1927 17 январ күні өзінің мақсатына жетті. Мектепті бітіргеннен кейін ол Түркістанның аудандық комсомол комитетінде біраз қызмет істеді. Белсенді комсомол мүшесі және зейінді жас екені ескеріліп, ол жоғары оқу орындарына даярлайтын Алматыдағы дайындық курсты озат аяқтағаннан кейін жылы Қазақтың оқу комиссариатының жолдамасымен Ленинградтың тарих - философия -лингвистика институтына түсті. Институтта зейінді озат оқығандығы үшін жыл сайын сыйлық алып отырды. 1933 жылы институтты бітірерде Саттар « Орыс Неоромантизмі және қазақтың ұлттық әдебиеті деген диплом жұмысын профессор Медведевтің басқаруымен өте жақсы қорғап, бәйге алды. Оқудан қайтқан жас талант әуелі «Ленинская смена», соңынан «Лениншіл жас» газеттерінде әдебиет бөлімінің меңгерушісі болып қызмет атқарды. 1934-35 жылдары Алматыдағы жоғарғы…