Менің таңдаған мамандығым тақырыбындағы ашық сабақ

Мамандық дегеніміз не ?- Кәсіп , Сүйікті іс, Шығармашылық,

Қызығушылық , Еңбек көзі.

«Мамандық» - Профессия – латын сөзінен шыққан, «professio»-анықталған іс , мамандық дегенді білдіреді.

Мамандық –қарапайым өмір сүру көзі болып табылатын және қандай да бір дайындықты ,жауапкершілікті талап ететін еңбек қызметінің маңызды бөлігі.

Мамандық таңдау –тағдырыңды таңдау деген сөз.

Кейінгі өмірде өкінбейтіндей,өз қабілеті мен бейімділігіне сай кәсіп түрін таңдау.Бұл өте жауапкершілікті және маңызды іс.

Мамандықтарды игеру үшін кәсіптік білім алуымыз қажет.

КӘСІПТІК БІЛІМ БЕРУДІҢ ҚҰРЫЛЫМЫ:

Болашақ мамандықты әр түрлі оқу орындарынан алуға мүмкіндік бар.Оның негізгі түрлері :

-Бастауыш кәсіптік білім: профессионалды лицейлер,кәсіптік мектептер

Бұл оқу орындарында жұмысшы мамандықтарын даярлайды

-Арнаулы орта білім: техникумдар,колледждер. Бұл оқу орындарына жалпы орта , орта және бастауыш кәсіптік біліммен алуға болады.

-Жоғары кәсіптік білім: ЖОО-ры (институттар, университеттер,академиялар) Бұл оқу орындарына орта біліммен және арнаулы білімнен кейін түсуге болады.

Мамандық таңдауда мынадай формула бар:

«ҮЙРЕНГІМ КЕЛЕДІ- ҮЙРЕНЕ АЛАМЫН- ҮЙРЕНУ КЕРЕК»

«ҮЙРЕНГІМ КЕЛЕДІ»- бұл талап –тілектің, мақсат пен мүдденің,ынта мен ықыластың кеңістігі;

«ҮЙРЕНЕ АЛАМЫН»- қабілет-қарымның,таланттың,денсаулықтың кеңістігі;

«ҮЙРЕНУ КЕРЕК» -еңбек рыногындағы сұраныстардың ,аймақтағы әлеуметтік –экономикалық проблемалардың, әлемдік экономикалық даму тенденцияларының кеңістігі.

Кәсіп осы үш формуланың тоғысу нүктесі арқылы оңтайлы таңдалады.

Абай атамыз айтқандай «болмасаң да ұқсап бақ, бір ғалымды сүйсеңіз. Ондай болмақ қайда деп, айтпа ғылым сүйсеңіз » дегендей алға ұмтылып арманымызға жетіп, өзіміз таңдаған жақсы мамандық иесі болайық.

«Адам өз өмірінде екі нәрсені таңдауда қателеспеуі керек: біреуі –жар таңдау, екіншісі –мамандық таңдау» деп М.Мақатаев атамыз айтқандай, мамандық таңдау –жасөспірім кездегі адам өміріндегі ең маңызды шешімдердің бірі. Бүгін біздер өз қабілеттерімізге қарай қарай мамандық пен бағдар таңдауда алғышарт жасадық. Бүгінгі сабақта болашақта қай бағдарда оқитындарыңызды, өз қызығушылықтарың мен қабілеттеріне сәйкес келетін мамандықты анықтауға, кейбіреулеріңізге өз таңдауларыңызды жасауға үлкен септігі тиді деп ойлаймын.