Менің жетістігімнің формуласы эссе үлгісі

Халбаева Шынар Нигматуллаевна

Максим Горький орта мектебі

Т.Рысқұлов ауданы

Луговой ауылы

Менің жетістігімнің формуласы

Ұстаз алдынан табылмайтын жан жоқ. Ұстаз берген тәрбие әрбір жанның өміріне жол сілтер шамшырақ болары анық. Қиындығы да, қызығы да жетерлік, жауапкершілігі жоғары мамандықтың бірі ұстаздық ету екені ақиқат. Өйткені бұл мамандық иелерінің мойнына мектеп табалдырығын аттаған бүлдіршіндердің бойына білім шуағын сеуіп, оларды үлкен азамат етіп шығару міндеті жүктелген. Сондықтан да адам баласы осы еңбегі үшін ұстаздарға борыштар деп білемін.

Менің өмірдегі бақытым – жүрек қалауымен ұстаз болуым. Ұстаз болу жай ғана мамандық емес, ол – адам болашағын жасаушы. Сондықтан да өзімді келешек ұрпақтың сәулетшісімін деп мақтаныш сезіммен айта аламын.

1998 жылы Тараз мемлекеттік университетінің филология факультетін тәмамдағаннан кейін, 2001 жылы Луговой ауылындағы М.Горький атындағы орта мектебіне мамандығым бойынша жұмысқа орналасып, жоғары білімді маман иесі атандым.Мектеп ұжымынан әрбір ұстаздың бойында болатын төзімділік, сыпайылық, адамгершілік, еңбексүйгіштік сияқты қасиеттерді бойыма сіңірдім. Мен тәжірибелі ұстаздармен қатар еңбек етіп, баланың бойына эстетикалық талғам қалыптастырып, әдебиет әлеміне бойлата отырып, нәтижеге жете білуді үйрендім.

Әрине, ұстаз болу үшін жоғары педагогикалық оқу орнын бітіру аздық етеді. Ұстаздық атты ұлы шыңға көтерілу үшін көп ізденіп, тынымсыз еңбек ету керек. Сондықтан да «Үздіксіз ізденіс пен тынымсыз еңбек – сапалы білім мен саналы тәрбие берудің нәтижесі» деген сөз менің педагогикалық жетістіктерімнің формуласына айналды.

Сабақ үдерісінде оқытудың жаңа инновациялық технологияларын тиімді пайдалана білу ұстаздың шығармашылық ізденісін арттырады. Іздену нәтижесінде республикалық «Қазақстан – 2050» - халқымыздың болашаққа бағдары» ғылыми-практикалық конференцияның жинағына «Бәсекеге қабілетті тұлға қалыптастыруда инновациялық педагогикалық технологиялардың ерекшеліктері», халықаралық «Рухани жаңғыру: ХХІ ғасырдағы заманауи білім беру кеңістігінің парадигмалары» атты ғылыми-практикалық конференцияның жинағына «Сөйлесім әрекеті арқылы оқушылардың сөйлеу қабілетін жетілдіру жолдары» тақырыптарында баяндамаларым жарияланды. Авторлармен бірлесе отырып, «Қазақ тілі пәні бойынша мектеп түлектерін Ұлттық бірыңғай тестілеуге дайындаудың тиімді жолдары» тақырыбында әдістемелік көмекші құралы жарық көрді. Облыстық «Білім беру мазмұнын жаңарту жағдайында оқушылардың оқу жетістіктерін критериалды бағалау жүйесі» тақырыбындағы семинарда көрсеткен тәжірибем үшін Алғыс хатпен, республикалық «Оқушылардың білім сапасын критериалды бағалау жүйесі арқылы жетілдіру» тақырыбындағы семинар-кеңесте «Жаңартылған білім беру жағдайындағы белсенді әдіс-тәсілдер» тақырыбында жұмысын қорғап, арнайы дипломмен марапатталдым.

Қазақстан Республикасының білім беру жүйесін дамытуға қосқан зор жеке үлесім үшін ҚР Білім және ғылым министрі Ерлан Сағадиевтен Алғыс хат алу мен үшін үлкен мәртебе болды және кәсібіме деген жауапкершіліктің ұлғаятынын түсіндім.

Мен – ауыл мектебінің ұстазымын. Бірақ «ғалым да, шахтер да білім алып, бас иетін» ұстаз кәсібінің жауапкершілігі мол. Менің ісім – қасиеті мен құдыреті мол сөз өнері. Ұстаз ретінде, тіл мен әдебиет пәнінің маманы ретінде баланың қай қырына әсер ете аламын, «өмір» атты асау өзенге өзімен бірге алып кетуіне не бере аламын?!

Сөз өнері, өзінің атында тұрғандай шәкірт оқығанын, көргенін, сезгенін, танығанын, қызыққанын, ұққанын, одан қандай әсер алғанын, қалай қабылдағанын, ойына не түйгенін, қандай тәлім-тәрбие алғанын, бүкіл жан дүниесінде не болып жатқанын сиқырлы қаламмен дәптер бетіне сырлы сөздер арқылы жазып бере алады. Сол жазылған сырдың мәнін ұғып, жан дүниесінде не болып жатқанын танып біліп, дер кезінде қол ұшымды бере білсем, міне, менің кәсіптік шеберлігімнің нақ көрінетін жері осы деп ойлаймын.

«Бүгінгі таңда мұғалім қандай болу керек, оның кәсіби біліктілігі қандай жолдармен көрінеді?» деген сұрақтарға «Мұғалім, ең алдымен, бала жанының тамыршысы болуы…