Менің жетістігімнің формуласы туралы эссе үлгісі

Менің жетістігімнің формуласы

Эссе

Тараз қаласы, № 47 орта мектептің

қазақ тілі мен әдебиеті пәні мұғалімі Байырова Жұлдыз Рысбекқызы

Елбасының «Төртінші өнеркәсіптік революция жағдайындағы дамудың жаңа мүмкіндіктері» Жолдауымен танысып шығып, жаңа заманның лебін байқадық. Жаңа дәуірдің келе жатқанын сезіндік. Раcында, бұл Жoлдау – заман талабы тудырған Жoлдау екен. Елбасының Жолдауындағы басымдық берілген міндеттердің бірі адами капитал болып отыр. «Өзінің тарихын, тілін, мәдениетін білетін, сондай-ақ заманына лайық, шет тілдерін меңгерген, озық әрі жаһандық көзқарасы бар қазақстандық біздің қоғамымыздың идеалына айналуға тиіс» деп көрсетілген Жолдауда. Кез келген қоғамда жастардың бет түзейтін идеалы болуы болашақ үшін маңызды десек, Елбасы Жолдауында қандай адам мемлекеттің құнды капиталы бола алатынын нақты көрсетіп берді. Мемлекет болашағының кілті – қазіргі жаңа технологияларды меңгерген, сонымен бірге түп-тамырынан ажырамаған, салты мен дәстүрін, тарихын білетін нағыз сапалы азаматтарда. Сол адами капиталды дайындап, болашағына жол сілтейтін, келешегімізді кемел біліммен сусындататын – ұстаздар қауымы. Қазақта «Ұстазы жақсының – ұстамы жақсы» деген сөз бар. Ендеше, баланы тәрбиелейтін мұғалімнің білікті болуы – міндет.

Осындай қызығы да, қиындығы мол мамандықты мен де таңдадым. Ұстаз болу – бала кезімнен арманым еді. Жылдар өтті… Сол арманға қазір ұстаздық еңбегім арқылы жеттім деп ойлаймын. Бүгінгі таңда мен Тараз қаласындағы № 47 орта мектебінің қазақ тілі мен әдебиеті пәнінің мұғалімімін. Осы білім ордасында қызмет етіп келе жатқаныма жиырма жыл болыпты.

Мен – жемісінің өнімін көруге асыққан бағбандай, бала жанына білім дәнін сепкен ұстаздардың бірімін. Өскелең ұрпақтың қоғам алдында жауапкершілігін сезініп, рухани дүниесі бай, жан-жақты жетілген азамат болып өсуіне қазақ тілі мен әдебиеті сабағынан білім беру арқылы өз үлесімді қосып келемін.

Бүгінгі қоғамдағы мұғалім – ой-өрісі жаңашыл, ізденімпаз, шығармашылық деңгейде қызмет атқара алатын, еңбекқор, оқытудың жаңа білімділік технологияларын терең игерген шебер болу керек. Осы деңгейге жету үшін көптеген ізденістер жолында болдым.Үнемі ізденісте жүрген іс-тәжірибемде бірнеше рет біліктілік арттыру курстарынан өтіп, елімізде білім мазмұнын жаңарту бойынша жүріп жатқан реформаның сәтті жүзеге асуына жол ашып, мектеп тренері ретінде оқушылармен бірге мектеп мұғалімдерінің де кәсіби деңгейінің көтерілуіне өз үлесімді қосып келемін. 17. 11. 2017жылы «Назарбаев зияткерлік мектептері» ДББҰ Педагогикалық шеберлік орталығы әзірлеген «Тәжірибедегі рефлексия» жалпы білім беретін мектептердегі педагогика кадрларының кәсіби даму бағдарламасы бойынша мектеп тренерлерін оқыту курсының сертификаты (Т № 017459) бұған дәлел бола алады.

Оқушылардың мәселені біржақты ғана қарастырмай, сан қырынан барлап, өзіндік көзқарасын, ой-толғамы мен шешімін анықтай біліп, пікірін еркін де жүйелі жеткізу үшін қазіргі заманғы инновациялық технологияларды түрлендіре қолданумен қатар, озық тәжірибелі педагогтардың әдістемелік тәсілдері мен шеберлік мектептерінен үйрену әрбір ұстаздың тәжірибесін арттырады.

Осыған орай, іс-тәжірибемді арттыру мақсатында“Оқу мен Жазу арқылы Сын Тұрғысынан Ойлауды Дамыту” жобасы бойынша Қазақстан Оқу Ассоциациясы ұйымдастырған курсын аяқтадым(2012ж. Т010368). Сыни ойлау стратегияларын сабақтарымда қолдана отырып, оқушының шығармашылықпен еңбектенуі үшін оған қозғау салып, оның белгілі бір дәрежеде білім қорын жинауына, өзіндік пікірі мен сенімінің қалыптасуына жол ашатын тиімді әдіс екендігіне көз жеткіздім.

Алған теориялық білімімді іс-тәжірибеме енгізіп, сыни ойлау стратегияларын қолдана отырып ашық сабақтар бердім.

Өз шығармашылығымды әріптестеріммен бөлісу мақсатында іс-тәжірибемдегі болып жатқан өзгерістерді ғылыми конференцияларға қатысып, баспа беттеріне жарияладым. М. Жұмабаевтың 125 жыл толуына орай «Рухани жаңғыру: М. Жұмабаев мұрасы және ұлттық құндылықтар» атты облыстық ғылыми-тәжірибелік конференциясына «Мағжан мен…