Менің жетістігімнің формуласы туралы эссе, 3 бет

Эссе: «Менің жетістігімнің формуласы»

1. Кіріспе

2. Негізгі бөлім

3. Қорытынды

Еліміздің ертеңі- бүгінгі жас ұрпақтың қолында, ал жас ұрпақтың тағдыры- ұстаздардың қолында.

Н. Ә. Назарбаев

Дүниедегі мамандық атаулының төресі-ұстаздық. «Мұғалім мамандығы- барлық мамандықтың анасы». Ұстаз – таудан cарқырай аққан тау өзені секілді, айналасына қуат беріп, жолында кездескендерді суымен нәрлендіріп, таудай қиындықтарды тастай домалатып, білімнің сар даласында тыныштық тауып, дамылдайды. Ұстаз - Жер деген әлемнің бетін көркейткен, шәкірттеріне шуақ төккен Күн-Ана. Ұстаз болу-ол жай ғана мамандық атауы емес. Ол адам баласына өмірлік бағытын көрсетуші. Ұстаз - Қаратаудың қойнауындай тереңде жатқан кенді ашып, білім мен ғылымның жемісінің дәмін таттыратын, армансызға арман ұялатып, қанатсызға дарын қанатын бітіретін ғажайып күш иесі.

Менің мамандығым әлемдегі ең қажет мамандықтардың бірі. Ұстаз болу бұл менің жүрегімнің қалауы. Сондықтан өз мамандығымды мақтан тұтамын. Мен № 23 негізгі мектепте, бастауыш сынып оқушыларына ағылшын тілі пәнінен сабақ беремін. Ең алғаш «Ұстаз» деген атқа ие болуым да осы білім ұясынан басталды. № 23негізгі мектебіне өз мамандығым бойынша жұмысқа орналастым. Мектеп ұжымынан әрбір ұстаздың бойында болатын төзімділік, сыпайылық, тазалық, адамгершілік, еңбек сүйгіштік сияқты жақсы қасиеттерді бойыма сіңірдім. Мен әріптестерімнен қатар еңбек етіп, баланың бойына ақыл-білім дәнін сеуіп, аялап, көңілін табуды , алаламай сүйе білуді үйрендім. Менің шәкірттерім Капанова Айдана, Оразбай Гүлдана, Шарикова Виктория «Кенгуру-лингвист» атты халықаралық конкурстарға қатысуты. Аудандық пән олимпиадаларына Асет Жансая қатысып жүлделі орын алды. Аудандық жобаға Смагулова Лаура қатысты. Аудандық пікір-сайысқа Асет Дауиржан қатысып, мақтау қағазымен марапатталды. Республикалық сырттай байқауға Мауанов Темірлан қатысып мақтау қағазымен марапатталды.

Ағылшын тілі пәнінің басқа пәндерден ерекшелігі де, артықшылығы да бар. Ерекшелігі сол – ғылымның қай саласымен де байланыстыра аласың. Өз еліңнің салт-дәстүрін үйрене отырып, өзге елдің де салт-дәстүрінен де хабардар боласың. Қазіргі заман талабына сай ғылым мен техниканың тілі-ағылшын тілі. Бүгінгі балғын – ертеңгі ел тізгінін ұстайтын азамат. Ендеше, сол азаматты заманға сай үш тілді жетік меңгерген, білімді тұлға етіп тәрбиелеу кезек…