Мерейлі отбасы ата-аналармен жұмыс материалы

Мерейлі отбасы

Мақсаты: Спорттық ойындарды ойнай отырып спортқа қызығушылығын арттыру. Шапшаңдыққа, ептілікке баулу. Балабақша мен ата-аналар арасында ынтымақтастық орната отырып, ата-ана мен бала арасындағы мейірімділікті , адалдықты , ізеттілікті қалыптастыру.Салауатты өмір сүруге тәрбиелеу.

Көрнекіліктер: Доптар, шығыршық,түрлі-түсті шарлар, көкөністердің муляждары, велосипед, самакант.

Жүргізуші:Армысыздар ата-аналар және барша сайысты тамашалауға келген көрермен қауым. Бүгінгі балабақшамыздың 10 жылдығына орай ұйымдастырылған «Мерейлі отбасы» атты сайысымызға қош келдіңіздер!

Бүгін біздің бақшада дүбірлі той,

Ден қойып тыңдаңыздар,көңілді қой.

Біз мейрімді отбасы сайысында,

Көрейік тамашаны сергісін бой.

Сайысқа 6 отбасы қатысады. Әр отбасы жеке топты құрайды. Топ мүшелерінің саны екеу. Әр топ жеңіс мәресіне жету үшін бірнеше кезеңнен тұратын кедергілерге төтеп беруі тиіс.«Спорт-денсаулық кепілі» десек, «Мерейлі отбасы» отбасылар сайысы отбасылық тәрбие мен салауатты өмір салтын насихаттау мақсатында ұйымдастырылып отырған шара.Олай болса, әркімге рухани және мәдени мереке сыйлайтын сайысымызға қатысқалы отырған жанұяларды ортаға шақырайық.

Сары түсті шеңберге «Көжектер» тобының отбасы орналасады.

Қызыл түсті шеңберге «Балапан» тобының отбасы орналасады.

Көк түсті шеңберге « Балауса» тобының отбасы орналасады.

Айырар әділ қазы үздігі кім.

Бақсынап алдыңызға келіп тұр ғой

Қарсы алайық топтарды қошеметпен.

Сайысымыздың негізгі арқауы болып- отырған жанұялар тобының аяқ алысын бағалау үшін шақырылған әділ қазылар алқасы құрамымен таныс болыңыздар:

1. Балабақша меңгерушісінің қызметін уақытша атқарушы: Қасымбекова.М.А.

2. Балабақша кәсіподақ төрайымы: Маметова.Қ.Р.

3. Балабақша медбикесі: Айдарова Э

Сайысымыз 6 бөлімнен тұрады. Ал әділ қазылар алқасы әр бөлімнен кейін бағасын беріп, сараптама жасап отырады.Бәйгені ат жаратып шапқан алар-ол жаны жатқан емес, тапқан алар- деп сайысқа қатысушы отбасы топтарына «Ақ жол» тілейік.Ал ендеше алдымен сайысымызды бастамас бұрын танысып алайық. «Мерейлі отбасы »- отбасылық сайысқа шығып тұрған топтарға «Сұнқар» тобы және «Тұлпар» тобы деп командаларға ат бердік.Командалар өз ұрандарын айтып қарсылас командамен сәлемдесіп, өздерін таныстырады.

Сайысымыздың бірінші бөлімі «Кедергілерден өту»

Ойынның шарты:Әр командалар мүшесі допты кедергілерден алып жүру. Нәтижесі допты дұрыс бағыттау. Бұл сайысымызда аналарымызда, балаларымызда кедергілердің арасынан допты алып өту.

Сайыскерлер дайынбыз ба, бір, екі, үш. Алға!