Миф әлемінде интеллектуалды кеш өткізуге арналған материал

ИНТЕЛЛЕКТУАЛДЫ КЕШ

«МИФ әлемінде»

Мақсаты:

Білмділік: 1. Оқушылардың математика, информатика, физика және астрономия пәндеріне деген қызығушылықтарын арттыру;

2. Ойын элементтері арқылы танымдық, логикалық ойлау қабілеттіліктерін жетілдіру;

Дамытушылық: Теориялық білімдерін тереңдете түсіп, шығармашылық ойлау дәрежесін арттыру және практикалық дағдысын дамыту;

Тәрбиелік: Оқушылардың қойылған тапсырмаларды бірлесіп, ақылдасып шешулеріне мүмкіндік беру арқылы ұйымшылдыққа тәрбиелеу;

Көрнекілігі: «МИФ әлемінде» тақырыбына байланысты плакаттар, конвертке салынған тапсырмалар, зодиак белдеуіне кіретін шоқжұлдыздар белгілері, жұлдыздар атауы, слайдтар, (ИКТ)

Түрі: Интеллектуалды ойын-сауық кеші (екі топ арасындағы сайыс)

Кеш жоспары:

1. «Амандасу рәсімі»;

2. «МИФ ғалымдарына сәлем»;

3. «Сап түзейік»;

4. «МИФ мақал – мәтелмен»;

5. «Жұлдызың жарық болсын!»;

6. «Формулалар вальсі»;

7. «МИФ биле»

8. «МИФ тілінде сойлейік»

9. «Кім тапқыр?»

Кеш барысы: 1. Ұйымдастыру:

Кешке катысатын оқушыларды екі топқа бөлу.

(«Алгоритм» және «Алгорифм»)

Кіріспе сөз: (мұғалім сөзі)

«Өмір – деген көк мұқиттың толқыны,

Бір-бірімен жатқан шулап, жалғасып,

Бір-бірімен жатқан тулап, арбасып.

О, толқындар, арпалысып, алға шық,

Өмір- деген мәңгі гүлдеп жататын,

Құштарлықтың толғағы мен көктемі» - деп ақын Төлеген Айбергенов жырлағандай, өмірдің өзі сайыс (күрес).

Қайырлы күн қымбатты көрермен!

Сөз бастайын термелеп өлеңмен.

Тәрбиелі, білімді боп әрқашан

Өс, өркенде қанат жайып кемелден.

Бүгін жаратылыстану-математика бағытындағы математика, информатика, физика, және астрономия пәдерінің алғырлары білімдерін ортаға салуға келіп отыр.

Құрметті ұстаздар мен оқушылар «МИФ әлемінде» атты кешімізді бастауға рұқсат етіңіздер!

Мектебім менің мектебім,

Өзіңмен өткен көктемім.

Білмеппіз ғой қалайша,

Қоштасар кездің жеткенін – демекші биыл мектебімізді үздікке бітіргелі отыырған оқушыларды шақырамыз.

Өмірде ойлап тұрсаң бәрі де есепАуырсаң ішетұғын дәрі де есепЕсепсіз сүрген өмір мазмұнсыз-ауДүниенің бар тұлғасы есеп десек

1-жүргізуші. Қайырлы кеш, қадірменді ұстаздар, оқушылар және жанкүйерлер! Баршаңызда екі топ арасындағы сайыс түрінде өтетін «МИФ әлемінде» атты интеллектуалды ойын-сауық кешімізге қош келдіңіздер!

2-жүргізуші.

«Шақырамыз, келіңдер жарысуға,

Өнер-біліммен күш алысуға.

Бар өнерді салайық ортамызға,

Ал, кане кім шығады сайысуға!» - деп, кешімізге қатысушы команда мүшелерін ортаға шақырамыз.

1-жүргізуші. Ал, кане достар, қуанышпен кеш басталық!

2-жүргізуші. «МИФ» - кең өрісті ғылым,

«МИФ әлеміне» саяхат жасалық.

Сендерге МИФ сырын ашалы.

1-жүргізуші.

Мәңгі-бақи есте қалар,

Қызықты бір кеш болсын.

2-жүргізуші.

Ескі санау қайдан шықты,

Бүгін сендер білесіңдер.

«МИФ» сырына сапар шегіп,

Араласып жүресіңдер.

1-жүргізуші.

Бұл жерде сен танысасың Архимедпен,

Кемеңгер ол, философ әртінде өткен.

Кесдесесің дәл сондай тағы да бір.

Ғылыммен жер-жаһанға білім еккен.

2-жүргізуші.

Евклид, Пифагор айтқанын бұл,

Талаптанып білімге зейініңді бұр.

Таудан аққан өзендей сарқыратып,

Ғылым жасап, төбеден олар төгіп тұр.

1-жүргізуші.

Судай тасып, әр биік белден өткен,

Дүниеге сан-алуан өнер төккен.

Білім алып, бұлардың жолын қуған,

Әрбір адам өмірде өрге басқан.

2-жүргізуші.

Сіздерді апталыққа шақырамыз,

Есеппен бастарыңды қатырамыз.

Математика, физиканы ұғындырып,

Аз да, болса біліміңді толтырамыз.

1-жүргізуші.

Архимедтей жаңалық ашар,

Болса, үміткер миф-ке үлес косар.

Ұлы математик-физик ізін басар,

Бізде жоқ па, білімді талапкер.

2-жүргізуші.

«МИФ» кеші басталды,

Ұмыт болғанды еске салды.

Қиын да болса, қызық кеш,

Жұмыс істетейік бастарды.

1-жүргізуші. Қатысыңыздар!, қолдаңыздар!

2-жүргізуші. Ойнаңыздар!, ойлаңыздар!

1-жүргізуші.

Мінекей залда тыныштық,

Естілмейді дыбыс түк.

Мұны бізде қоштаймыз,

Кешіккендерді тоспаймыз.

Ғылымдардың ғылымы,

Математика жайында,

Кешімізді бастаймыз.

2-жүргізуші.

Дегенмен бала – данасы,

Ғылымдардың жаңасы.

Информатика тойында,

Сайысымызды бастайық.

Жас, достарым, мұны дұрыс ұғайық,

«МИФ» құрметтеуге лайық.

1-жүргізуші. Құрметті ұстаздар, оқушылар 8-9-10 сынып оқушыларының қатысуымен өтетін «МИФ әлемінде» атты интеллектуалды сайыс-кешімізді бастауға рұқсат етіңіздер!

2-жүргізуші. Қадірменді сайыс-кешімізге қатысушы достар сіздерді сайысымыздың кезеңдерімен таныстырып өтейік.

1. «Амандасу рәсімі»;

2. «МИФ ғалымдарына сәлем»;

3. «Сап түзейік»;

4. «МИФ мақал – мәтелмен»;

5. «Жұлдызың жарық болсын!»;

6. «Формулалар вальсі»;

7. «МИФ биле»

8. «МИФ тілінде сойлейік»

9. «Кім тапқыр?»

1-жүргізуші.

Төр ағасы төбе билер-жюрилерӘділетпен кеңес құра біліңдер. Әділеттен аспаңыздарҚиянатқа баспаңыздар –деп, енді бүгінгі сайысымыздың қазылар алқасын сайлап алайық

2-жүргізуші.

Кезек келіп, өжеттеніп сөз аппын,

Танысалық ғажап ойын, ғажап күн.

Тілегіміз бір – батырақ та, бай да емес,

Емеспіз бе, азаматы қазақтың. - дегендей алғашқы бөлім «Командалардың амандасу рәсімі», сөз кезегі сіздерде сайысушы топ мүшелері.

1-топ.

Ойнайық, ойлайық та ойнайық,

Белсенді болайық ортада.

Уақытты тектен-текке жоймайық,

Ойнайық, ойлайық та ойнайық,

Білімділік көрсетейік, сынайық,

Жеңсең де, жеңілсең де ренішсіз болайық,

Қамықпай көңілді тарайық!

Гүлденіп жасаруда бүкіл әлем,

Жаңарып бүл ойынға мен де келем.

Жастардың достық туын тіккен кеште,

«Алгорифмнен» «Алгоритмге» мың бір салем!

2-топ.

Ойын ойнап, ән салмай өсер бала болар ма?