Модель және модельдеу тақырыбы бойынша 9-сынып ашық сабақ

Информатика 9-сынып. Күні:

Сабақтың тақырыбы:Модель.Модельдеу.Модель түсінігі.

Мақсаты: Оқушыларды «модель» ұғымымен таныстыру, модельдеудің қажеттілігін, оның пайдасын түсіндіру.1. Білімділік: Оқушылар элементтері, индекстерін көрсете білуі, жиым элементтерін реттеу программаларын жаза білуі қажет.2. Дамытушылық: Ойлау қабілетін дамыту компьютерлік сауаттылығын ашу Оқушыларды білім мен біліктілікке тәрбиелеу. Оқушылар техникалық қауіпсіздік ережесін сақтай отырып еңбекке баулу.3. Тәрбиелік: Оқушылар информатика сабағында техникалық қауіпсіздігін сақтай отырып еңбекке баулу және отан сүйгіштікке тәрбиелеуҚұрал – жабдықтар, көрнекті құралдар: Компьютерлер. Информатика мен есептеуіш техника негіздері әдістемелік нұсқау бағдарламалары. Оқулықтар. Жұмыс дәптері.Сабақ түрі: Аралас сабақ ПарктикаСабақтың әдісі: Түсіндіру, баяндау, сұрақ жауап, әңгімелесу, жазбаша жұмыс, өзіндік жұмыс, әңгіме.

Сабақ барысы. 1. Ұйымдастыру кезеңіСәлемдесу, оқушыларды түгелдеу.Сабаққа дайындықтарын тексеру

1. Үй жұмысын сұрау

Жиым деген не?

Жаңа сабақ

Модель дегеніміз – нақты обьектіні, процесті немесе құбылысты ықшам әрі шағын түрде бейнелеп көрсету.Модельдеу – объектілерді, процестерді немесе құбылыстарды зерттеу мақсатында олардың модельдерін (макеттерін)құру.

Әрбір адамның күнделікті іс-әрекеттің белгілі бір мәселені шешу немесе кез келген жұмыс орындалмас бұрын оның сана-сезімінде алдын ала орындалу моделі жасалады. Мысалы, жолдан өту немесе дүкенге бару, сабақ оқу, т.с.с. әрекеттерді орындау алдында өз ойымызша жолдан қалай өту, қандай жолмен бару, қай сабақтан бастап дайындалу сияқты іс-әрекеттер тізбегінің моделі жасалады.

Модель көрнекі түрде жазбаша жоспар, сызба ретінде жасалуы мүмкін. Мұндай модель барлық уақытта біздің ойымызда бейнеленетін прототип пайда болғанға дейін жасалады.

Бір объект (процесс, құбылыс) үшін әр түрлі модельдер жасалуы мүмкін. Модельдің жасалуы зерттеу мақсатына және прототип жөнінде жинақталған мәліметтердің көлеміне тәуелді болады.

Мысалы, жуық арада басқа қалаға қыдырып баратын Бодық делік. Ол қала туралы өзіміз білетін мәліметтерді жинақтап, ойымызды қорытып, қиялымызды сол қаланың моделін жасай бастаймыз. Мұндағы жалпы мақсатымыз – басқа қаламен танысу. Қаланы аралап келгеннен соң толық мәлімет алғандықтан, ойымыздағы модель өзгеруі мүмкін. Ал сол қаланың сәулетші жасаған модельі мүлде өзгеше болады, өйткені оның мақсаты үйлер, мекемелердің үйлесімді орналасуы, құрылысы және оларды көркейтіп қайта жасау болып табылады.