Монтессори әдісі бойынша орамалды бүктеу таныстырылымы

«Орамалды бүктеу»

Мақсаты: Майлықты жаюға және бүктеуге үйрету.

Жанама мақсаты: қағазды, киімді жаюға және бүктеуге даярлау. Ұсақ моториканы, зейінді дамыту.

Материал: Шыттан немесе льеннан тігілген бес майлық, пішіні 30х30см немесе 25х25см майлық. Майлықта бүктейтін сызықтар қарама-қарсы кестемен немесе қарындашпен сызылған. Майлықтар табақтың үстінде нақты тәртіппен бірінің үстінде бірі қойылған.

Алғашқы таныстыру:

1. Баланың назарын майлық салынған табаққа аударамыз.

2. Балаға табақты үстелге қоюды ұсынамыз.

3. Табақты ересек адамның алдындағы үстелдің оң жақ бұрышына қойып, баланың алдын босатамыз.

4. Үстіңгі бірінші майлықты алып, баланың алдына қоямыз.

5. Балаға сол қолымыздың сұқ саусағымен майлықтың төменгі сол бұрышындағы диагональды сызықтың басталатын жерін көрсетеміз.

6. Оң қолымыздың сұқ саусағын сызықтың бойымен төменнен жоғарыға қарай жүргіземіз.

7. Оң қолымызбен оң бұрышын ұстаймыз.

8. Сол алақанымызды төмен қаратып майлықтың үстіне қойып, үстінгі үшбұрышты ұстаймыз.

9. Майлықтың төменгі оң ұшын сол жақтағы жоғарғы ұшымен бірлестіреміз.Сол қол майлықтың ішінде қалады да, оң қолдың сұқ саусағымен екі ұшын ұстаймыз.

10. Сол қолды суырып алып, майлықтың бүгілген сызығын балаға қаратамыз да, оны екі қолмен ортасынан бастап жан – жағына тегістейміз.

11. Тағы да баланың назарын аудара отырып оң қолдың сұқ саусағын сызықтың бойымен оңнана солға қарай жүргіземіз.

12. Майлықты жоғарыдағы сол бұрышқа ысырып қоямыз.

13. Келесі екінші майлықты аламыз.

14. Оң қолдың сұқ саусағын сызықтың бойымен төменнен жоғарыға қарай жүргіземіз.

15. Сол қолмен майлықтың сол жақтағы төменгі ұшын, ал оң қолмен оң жақтағы астыңғы ұшын аламыз да үстіңгі ұштарымен біріктіреміз, алдымен оң жағын, содан соң сол жағын.

16. Бүгілген сызықты екі қолмен ортасынан бастап жан-жағына тегістейміз.

17. Оның ен бойына сұқ саусақпен жүргізе отырып, тағы да баланың назарын бүгілген сызыққа аударамыз.

18. Майлықты ысырып, алдыңғы майлықтың оң жағына қоямыз.

19. Келесі үшінші майлықты аламыз.

20. Жұмысты бірінші майлықты бүктегендей етіп қайталаймыз (5 тармақтан 11 тармаққа дейін).