Монтессори әдісі бойынша құмырадан құмыраға салу

«Құмырадан құмыраға салу»

Материал: паднос, екі құмыра, біреуінің ішінде ірі дән салынған.

Ескерту:

1. Олар жасымық, қарақұмық, түйебұршақ болуы қажет.

2. Құмыралар шыныдан, мөлдір шыныдан, қыштан, фарфордан жасалған болуына болады, тек пластмассадан болмауы керек. Құмыралардың пішіндері цилиндр тектес, аздап иілген болуына болады. Құмыраның тұтқасы педагогтың екі саусағы сиятындай, едәуір үлкен болуы қажет. Құмыралардың шүмектері бір – біріне қарсы, ал тұтқалары жан – жаққа қарап падностың үстінде тұрады.

Алғашқы таныстыру:

1. Балаға падносты үстелдің үстіне алып келуді ұсынамыз.

2. Балаға «Қазір біз дәндерді бірінен – біріне саламыз» - деп айтамыз.

3. Оң қолымызбен құмыраның тұтқасынан ұстаймыз, оң қолымыздың ортаңғы және сұқ саусағын құмыраның тұтқасының ішіне кіргіземіз де бас бармақпен үстінен қысамыз. Сол қолдың сұқ, ортаңғы, аты жоқ саусақтарымен құмыраның «ішінен» шүмегінің астынан ұстаймыз.

4. Құмыраны сәл көтеріп, бос құмыраның үстіне еңкейтеміз де, дәнді төгеміз.

5. Құмыраның ішінің босағанына көз жеткіземіз. Балаға қарауды ұсынамыз.

6. Балаға «салдық» - дейміз. Құмыраны бастапқы орнына қоямыз. Ал енді, падносты тексереміз. Егерде төгілген дән болса, оларды саусақтарымызбен теріп алып, қайта құмыраның ішіне саламыз.

7. Құмыраларды қайтадан падностың үстіне қоямыз. Сол жақта тұрған құмыраның тұтқасын оң қолмен, ал сол қолмен оның ішінен қысып ұстап, табақтың оң жағына, тұтқасын оңға қаратып қоямыз. Бұл дән салынған құмыра. Оң жақта тұрған бос құмыраның тұтқасын сол қолмен, шүмегінің астынан оң қолмен қысып ұстаймыз да, падностың сол жағына тұтқасын солға қаратып қоямыз. Яғни бастапқы қалпына әкелеміз.

8. Балаға қайталауды ұсынамыз.

Жас мөлшері: 2,5 жастан бастап.

Аса ықылас аудару: Дәндерді саусақтарымен іріктеп алу.

Сөздік: құмыра, дән атауы, әрекет атауы - салдық.

Қателіктерді бақылау: төгілген дән.