Монтессори технологиясы: түймелі рама таныстырылымы

«Түймелі рама»

Мақсаты: түймелерді ағытып және тағып (салып) үйрену.

Материал: көлемі 30х30см ағаштан жасалған рама, рамаға екі бөліктен тұратын мата керілген. Оның біреуінде көлденеңнен бес ілмек кесілген, екіншісінде диаметрі екі сантиметрде бес ілгек тігілген. Матаның үстіндегі ілгектер анық көрінетіндей және жұмыс барысында балалардың саусақтары жылжып кетпестей етіп, жиектерінің кемершесі (бортик) бар түймелер болуы қажет.

Жанама мақсаты: ұсақ маториканы дамыту, зейінін тұрақтандыру, дербестікті дамыту.

Алғашқы таныстыру:

1. Балаға түймелі рамалардың қай жерде тұрғанын көрсетеміз де, ілмектері бар раманы алуды ұсынамыз.

2. Рамаларды бір-бірімен қатар, ілмектері бар рама оң жақта болатындай етіп қоямыз.

3. Ағытуды жоғарыдан бастаймыз. Оң қолдың екі (сұқ және ортаңғы) саусағымен жоғарғы түйменің оң жиегін сәл көтеріп, бас бармақпен үстінен ұстаймыз.

4. Сол қолдың екі (сұқ және ортаңғы) саусағымен ілмектегі матаның шетін сәл көтеріп, бас бармақпен оны жоғарыдан қысамыз.

5. Екі қолмен бірдей қозғалып түйме мен матаны екі жаққа ажыратамыз. Ілмек ашылатын тәрізді.

6. түймені ілгекке еңкейтіп, оны ішіне сұғамыз.

7. Қолымызды аламыз. Енді оң қолдың (сұқ және ортаңғы) саусақтарымен матаны аламыз да, оны қайырып, көзге көрінген түйменің шетін сол қолдың сұқ саусағымен көрсетеміз.

8. Сол қолдың үш ( сұқ, ортаңғы және бас бармақ) саусағымен түйменің көзге көрінген шетін ұстап ( сол сәтте оң қолмен матаныұстаймыз), түймені ілмектен шығарамыз.

9. Ілмегі бар матаны қайырып, түйменің ағытылғанын көрсетеміз.

10.Осылайша тағы да екі түймені ағытамыз, содан соң балаға қайталауды ұсынамыз.

11. Барлық түймені ағытып болған соң балаларға: «Ағыттық», -деп айтамыз. Матаның екі жартысын да қайырамыз. Оң жақтағы матаны қайырған кезде сол қолмен оның жоғарғы бұрышын, оң қолмен төменгі бұрышын ұстап тұрамыз. Сол жақтағы жарты матаны кері тәртіппен қайырамыз.

12. «Ал енді, тағып үйренеміз». Матаның екі жартысын да жабамыз. Түймені тағуды жоғарыдан бастаймыз.

13. Оң қолдың үш саусағымен жоғарғы ілмектен матаны аламыз. Сұқ және ортаңғы саусақты матаның үстінгі сыртқы бетіне, ал бас бармақты матаның ішкі жағына саламыз. Матаны қайырамыз.