Мотивацияға арналған үздік бес кітап туралы мақала

Ең үздік мотивациялық бес кітап

Қазір талғамыңызға сай әртүрлі жанрдағы кітаптарды табуға болады.Бір тұлғалар романтиканы ұнатса, бір тұлғалар детектив жанрын ұнатады,ал мен мотивациялық кітаптарды оқығанды жақсы көремін. Сіздерге ең үздік мотивациялық 5 кітапты ұсынғым келеді.

Пол Хокеннің «Я начинаю свое дело» деген туындысының мен үшін орны ерекше. Бұл кітапта бизнестің қыр-сыры баяндалған шынайы кітап. Автордың өзі эколог және кәсіпкер.Өз саласының маманы ретінде тәжірибесімен бөліскен. Пол Хокен әр бөлімнің басында сұрақ қою арқылы адамды өзіне баурап алады,ал бөлім аяқталғаннан кейінгі мотивацияны айтып жеткізу мүмкін емес.

Әбу Насыр Әл-Фарабидің «Қайырымды қала» атты трактаты. Осы кітаптың өзгеше тұстары өте көп. Себебі, атақты жазушы, ғұламалардың Әл-Фарабиге қатысты пікірлерінен бастау алады..Бірнеше тарауларға бөліп қойған,оқуға да жеңіл. Алғашқы тарауы тұлға жөнінде бастау алса,соңы надан қалалар жөнінде аяқталады.Осы орайда,«мотивацияға қандай қатысы бар?» деген сұрақ келуі мүмкін.Мотивация бұл кітаптың рухани бағытта болуында жасырылған.Ішкі тыныштықты орнатып,әлемге мейіріммен қарауды үйретеді.

«Ойыңды өзгертіп,өміріңді өзгерт» Кәмшат Бекжігітова

Атауының өзі айтып тұрғандай, автордың өмір жолында кедергі болған өзінің ойы екендігін жеткізеді.Оқырмандарын да тек жақсы ойларды серік етіп, негативтен аулақ болуға шақырады. Кітап аяқталғаннан кейін мотивацияға толы ойыңызбен бірге, өз өміріңізге бірнеше өзгеріс жасауға дайын боларыңыз анық.

«Не бойся действовать. Женщина, работа и воля к лидерству» деп аталады.Авторы Шерил Кара Сэндберг- атақты «Google» компаниясында да қызмет етіп үлгерген.Өз ісінің маманы Шерил Караның айтуынша,әр азаматшаның өз принциптері болу керек.Өзінің оқырмандарын командамен тиімді жұмыс жасап,өз ойын анық жеткізуге бағыттайды.Мотивация мен сенімділікті алғашқы сөйлемдерден-ақ сезіне аласыз.

Абай атамыздың қара сөздер жинағы. Бірнешеуін жатқа білемін.Соның арқасында,ортада сөз сөйлегенде сенімділікпен баяндай аламын. Қара сөздің құндылығы сонша, ақ пен қараны ажыратып,әр қадамыңызға сенімді бола түсесіз. Абай атамыз бұл қара сөздің қорытындысында «Тегінде, адам баласы адам баласынан ақыл, ғылым, ар, мінез деген нәрселермен озбақ. Онан басқа нәрсеменен оздым ғой демектің бәрі де - ақымақтық»- деген.