Мұғалім мамандығы туралы эссе және шығарма

Кенжегалиева Гаухар Жақсылыққызы, Директордың тәрбие ісі жөніндегі орынбасары

Биология пәні мұғалімі

Мұғалім мамандығы - Жер бетіндегі бар мамандықтың анасы.

Мұғалімдік мамандық - бұл адамтану, адамның күрделі және қызықты, шым-шытырығы мол рухани жан дүниесіне үңіле білу. Педагогикалық шеберлік пен педагогикалық өнер - ол даналықты жүректен ұға білу болып табылады.

В.А.Сухомлинский

Тарихи шежіреге толы қасиетті Ойыл даласында дүниеге келуім менің бала күнімнен дала табиғатын сүйіп өсуіме, әсемдік пен жылылықты бойыма сіңіруіме, өз ұстаздарым тәрізді адамгершілігімен шәкірттеріне нұр сыйлаған үлгілі тұлға болуға шақырды. Мен үшін мұғалім пір тұтқан адамым еді. Ұстаздардың әр кездегі бейнесі мені ұдайы қызықтыратын болды. Сондықтан болар, мектеп кезінен ұстаз болуды өз жан дүниеме жақын тұттым. Кәмелетке толып, мамандық таңдау міндеті алдымда тұрғанда биология пәні мұғалімі мамандығын қаладым. Қазіргі таңдағы ең басты мақсатым - жас ұрпаққа терең де, жан-жақты білім беріп, әрбір бала жүрегіне жол табуды өмірімнің басты қағидасы деп сезіндім. «Оқытушы әлеуметтік әділеттіліктің, адамгершіліктің жаршысы болуға тиіс»,- деп С.Көбеев айтқандай, бүгінгі мұғалім өзінің әр ісімен өзгелерге үлгі болуы тиіс. Биология пәні арқылы әр баланың бойындағы қабілетін оятып, әлеуетін ашу арқылы рухани - адамгершілік тәрбие нәрін сеуіп, болашаққа нық сеніммен баратын тұлға тәрбиелеу - менің міндетім деп білемін. ХХI ғасыр - білім ғасыры. Елбасы Н.Ә.Назарбаев өз жолдауында «Жас тәуелсіз еліміздің болашағы - білімді ұрпақ қолында»,- деп, жастарды өркениетті қоғам құруға бағыттады. Жа