Психология болашақтың мамандығы тақырыбындағы эссе

ЭССЕ

“Психология болашақтың мамандығы”

«Адам жанын түсіне білу, оны зерттей білу – үлкен өнер»

З.Фрейд.

Мамандық – бұл әрбір адамның сүйіп, әрі қуана жасайтын ісі, оның ертеңгі болашағы. Қазіргі таңда кез келген адамға көптеген мамандық түрлері бар, сондай-ақ мен де көптеген қызметтер ішінен педагог-психолог мамандығын таңдадым. Себебі, тамаша өмір сүру үшін, өмірдің жақсы, жағымды заңдылықтары бар екенін айналадағы адамдарға сендіре білудің маңыздылығы жоғары. Сонымен қатар, жаңа технологиялық даму кезеңінің білім беру үрдісінде жай ғана психолог емес, нағыз құзіретті педагог ретінде өз еліміздің болашағын, жас бүлдіршіндерді, бәсекеге қабілетті, жан-жақты дамыған жеке тұлға етіп тәрбиелеуге өз үлесімді қосуды мақсат етіп алдым.

Психолог, ол кім? Психолог өзінің білімі мен біліктілігіне сүйене отырып өзгелерді тығырықтан шығаруға көмектесетін ізгі жан. Психолог – өзін терең түсіне жүріп, өзгелердің жан-дүниесін түсінуге, зерттеуге ұмтылатын зерттеуші. Психолог – жәрдемші, психолог – көмекші. Психолог өзгелердің жанын ауыртпайды, керісінше жан дүниесі күйзеліске түскен жандарға өзінің психология әлеміне шарлап, жанына дауа іздейді. Міне, осыншама жақсылық атаулыны жүрегіне, ақылына, санасына шоғырландыра алатын ізгі жан иесі психология мамандығын таңдауымның басты себептері осы. Себебі, мен адамдарға жақсылық жасауды бар жан дүниеммен қаладым.

Психология – бүгінгі ғасырдың мамандығы. Қазіргі таңда кез келген мекеме психологты қажет етеді. Адамдар тығырыққа тіреліп, шырғалаңға түскен шақта қол ұшын беріп, дұрыс жол көрсете алатын білгір психолог маман болам деуші талапкерлер саны жылдан-жылға көбеюде. Ал, бұдан біраз жыл бұрын бұл мамандық беделді деп есептелмейтін, тіптен сұранысқа көп ие бола бермейтін мамандықтар қатарында еді.

Бүгінгі таңда «психология» мамандығы әлемдегі ең танымал мамандықтардың үздік бестігіне кіреді. Бүгінде психология ғылымы адам іс-әрекетінің түрлі салаларында қарқынды орын алуда. Олар: білім, бизнес, саясат, басқару, медицина, жарнама т.б. салаларда үлкен сұранысқа ие. Ғалымдардың болжауы бойынша XXI ғасыр – психология ғасыры болмақ.

Психология мамандығының беделінің күннен күнге артуына - болашақ психолог мамандар өз білімдері мен біліктерін қолдана алатын салалардың күннен күнге артып, кеңейе түсуі әсер етсе керек. Болашақ психолог…