Мұғалім бала бағбаны тақырыбындағы эссе, шығарма

Саржансай жалпы орта білім беру мектебі

Тарих пәнінің мұғалімі: Утепбергенова Галия Карасаевна

Эссе

«Жай мұғалім хабарлайды,

Жақсы мұғалім түсіндіреді.

Керемет мұғалім көрсетеді,

Ұлы мұғалім шабыттандырады»

Ағылшын ағартушысы Уильям Уорд

Жас ұрпаққа білім мен тәрбиені қатар беріп,келешек ұрпақтың қамы үшін аянбай еңбек ететін ол мұғалім. Баланың білімге ынта ықыласын арттырып,өмірде өз орынын табуына көмектесіп,жол сілтейтін де мұғалім.Шәкірт тәрбиелеу қызығы мен қиындығы бірге жүретін ұлы процесс.Мұғалім өз ісінің шебері болу үшін Абай Құнанбайұлының мына бір сөздері есіме оралады «Әр адам өзінен күніне,ең болмағанда аптасына,яки бұған шамаң келмесе айына бір рет есеп ал, деген екен. Әр педагог өз жұмысына талдау жасап есеп беруіміз керек, «Неге жеттім?», «Неге ұмтыламын?», «Не кедергі жасайды?»

-Мен өз жұмысымда, неге қол жеткіздім?,біріншіден өзім білім беріп тәрбиелеген ұрпақтарым өмірде өз орынын тауып әрбірі дүниге кірпіш болып қалануы,екіншіден өз білімімді көтере отырып қазіргі заманауи талаптарға сай инновациялық технологиялар мен техниканы меңгеруім,үшіншіден өзім ғана меңгермей шәкірттеріме де талап қою арқылы көшбасшылыққа баулимын.

-Ал неге ұмтыламын, мұғалімнің деңгейі үш деңгейден тұрады,яғни төменгі деңгей,жеткілікті деңгей,жоғары деңгей. Мен өзімді ортаңғысына теңеймін сол жоғарғы деңгейге жету жолында аянбай еңбек етуге ұмтылуым керек.Ол үшін үздіксіз ізденіс үстінде болып облыс,аудандық әріптестеріммен байланыста болуым керек.Тарих сабағында оқушы саясатшы десем қателеспегенмін шығар ,өйткені тарих тек пән емес сонымен бірге өмірде де қолданыстағы саяси ұғым, сондықтан оқушы шешен озық ойлы пікір айта білуге баулимын.Күнделікті өмірдегі қолданыста жүрген демократия,аристократ,олигарх,трайбалист,шовинист т.б терминдерді түсінбесе саясатты түсіну қоғам өмірінен кеш қалу деп түсіндіремін.

-Не кедергі жасайды? Әрине бұл қаражат, мұғалімнің қаруы көрнекілік оны үздіксіз жаңартып отыруымыз керек бірде болады бірде болмай қалады.Оқушыныңда, мұғалімнің де әртүрлі байқауларға қатысқысы келіп тұратыны анық,ол байқаулар ақылы «жомарттың қолы қысқа» дегендей көбіне қаражат тапшылығынан қатыса алмай қиналатын кездеріде болады.Ұстаз көбіне шәкіртін аламан айлағынан көргісі келсе өз қаржысын аямайтыны анық бірақ кейде ол ойыда жүзеге аса бермейді.